തിരുവനന്തപുരം : ജോലി സമയത്ത് മുഖ്യമന്ത്രി പിണറായി വിജയന് പിന്തുണയുമായി സെക്രടേറിയറ്റിലെ ഉദ്യോഗസ്ഥരുടെ ഐക്യദാര്‍ഢ്യ പ്രകടനം. സെക്രടേറിയറ്റ് എംപ്ലോയീസ് യൂനിയന്റെ നേതൃത്വത്തില്‍ ചൊവ്വാഴ്ച ഉച്ചയ്ക്ക് 12.30ന് ആയിരുന്നു ഉദ്യോഗസ്ഥരുടെ പ്രകടനം. പ്രകടനം 15 മിനുടോളം നീണ്ടു. ഏകദേശം മുന്നൂറോളം ജീവനക്കാര്‍ പ്രതിഷേധത്തില്‍ പങ്കെടുത്തു. ഉച്ചയ്ക്ക് 1.15 മുതലാണ് സെക്രടേറിയറ്റിലെ ഉച്ചഭക്ഷണസമയം. എന്നാല്‍ ഇതിനുമുമ്പാണ് എംപ്ലോയീസ് അസോസിയേഷന്‍ അംഗങ്ങള്‍ സെക്രടേറിയറ്റില്‍ മുഖ്യമന്ത്രിക്ക് പിന്തുണയുമായി പ്രകടനം നടത്തിയത്. ജോലി സമയത്തെ ഉദ്യോഗസ്ഥരുടെ പ്രകടനത്തിനെതിരെ വ്യാപക വിമര്‍ശനം ഉയര്‍ന്നിട്ടുണ്ട്.
