തിരുവനന്തപുരം: പ്രധാനമന്ത്രി നരേന്ദ്രമോദി ഫ്ലാഗ് ഓഫ് ചെയ്യുന്നതിന് മുന്പ് തന്നെ വന്ദേഭാരതില് റെയില്വേ ഉദ്യോഗസ്ഥരുടെ ബന്ധുക്കള് കയറി. സുരക്ഷ ലംഘിച്ചുകൊണ്ടായിരുന്നു സ്ത്രീകയുടേയും കുട്ടിയുടേയും യാത്ര. ഇതിന്റെ വീഡിയോ ദൃശ്യങ്ങള് പുറത്തുവന്നു. ഇന്ന് രാവിലെ എറണാകുളത്ത് വണ്ടി നിര്ത്തിയപ്പോള് അസിസ്റ്റന്റ് ഡിവിഷണല് മെക്കാനിക്ക് എന്ജിനിയറുടെ സഹോദരിയും കുട്ടിയും ട്രെയിനില് യാത്ര ചെയ്യുന്നതായി വിവരം ലഭിച്ചു. വിവാദമായതോടെ ആര്പിഎഫിന്റെ കമാന്ഡര് ഇവരോട് കോഴിക്കോട് ഇറങ്ങാന് നിര്ദേശം നല്കിയെങ്കിലും യുവതി കാസര്കോട് വരെ യാത്ര തുടര്ന്നു.
ട്രെയിനിന്റെ പെര്ഫോമന്സ് അറിയുന്നതിനായാണ് ട്രയല് റണ് നടത്തുന്നത്. എന്നാല് വന്ദേഭാരത് മിക്ക സ്റ്റേഷനുകളില് എത്തുമ്പോഴും ഉദ്യോഗസ്ഥരുടെ ബന്ധുക്കളും സുഹൃത്തുക്കളും കയറുന്നുതായാണ് റിപ്പോര്ട്ടുകള്. അതേസമയം വന്ദേഭാരത് എക്സ്പ്രസിന്റെ രണ്ടാം പരിക്ഷണ ഓട്ടം വിജയകരമായി പൂര്ത്തിയാക്കി. രണ്ടാം ഘട്ടത്തില് പരീക്ഷണയോട്ടം തിരുവനന്തപുരത്തുനിന്ന് കാസര്ഗോഡ് വരെ നീട്ടി. 1.10നാണ് ട്രെയിന് കാസര്ഗോഡ് എത്തിയത്. 7 മണിക്കൂര് 50 മിനുട്ടിലാണ് ട്രെയിന് കാസര്ഗോഡെത്തിയത്. 5.20 നാണ് തിരുവനന്തപുരം സെന്ട്രല് റെയില്വെ സ്റ്റേഷനില് നിന്ന് വന്ദേഭാരത് രണ്ടാം പരീക്ഷണയോട്ടം ആരംഭിച്ചത്.
