റാന്നി : റാന്നി താലൂക്ക് ലൈബ്രറി കൗണ്സില് നേതൃത്വത്തില് താലൂക്ക് സെമിനാറും ആദരിക്കലും നടത്തി. അഡ്വ. പ്രമോദ് നാരായണ് എം.എല്.എ ഉദ്ഘാടനം ചെയ്തു. സാഹിത്യ അക്കാദമിയംഗം ഡോ. ബി ഉണ്ണികൃഷ്ണന് പ്രബന്ധാവതരണം നടത്തി. ഓയില്പാം ഇന്ത്യാ ചെയര്മാനായി നിയമിതനായ ലൈബ്രറി കൗണ്സില് താലൂക്ക് പ്രസിഡന്റ് എം.വി വിദ്യാധരനെ മുന് എം.എല്.എ രാജു എബ്രഹാം മൊമെന്റോ നല്കി ആദരിച്ചു. സര്ക്കിള് സഹകരണ യൂണിയന് ചെയര്മാന് പി.ആര് പ്രസാദ്, ലൈബ്രറി കൗണ്സില് സെക്രട്ടറി ലീലാ ഗംഗാധരന് എന്നിവര് പ്രസംഗിച്ചു.
