കൊച്ചി : മുതിര്‍ന്ന സിപിഐ നേതാവ് സി എ കുര്യന്‍ അന്തരിച്ചു. 88 വയസായിരുന്നു. മൂന്നാറില്‍ വെച്ചായിരുന്നു അന്ത്യം. വാര്‍ധക്യ സഹജമായ അസുഖങ്ങളെ തുടര്‍ന്നായിരുന്നു മരണം. പീരുമേടിനെ മൂന്ന് തവണ പ്രതിനിധീകരിച്ച അദ്ദേഹം മൂന്ന് തവണ എംഎല്‍എ ആയിട്ടുണ്ട്.
മുന്‍ ഡെപ്യൂട്ടി സ്പീക്കറുമായിരുന്നു അദ്ദേഹം. ലോകസഭയിലേക്ക് 1984ല്‍ ഇടുക്കിയില്‍ നിന്ന് മത്സരിച്ചെങ്കിലും പരാജയപ്പെട്ടു. സിപിഐ സംസ്ഥാന എക്‌സിക്യൂട്ടിവ് അംഗവും, എഐടിയുസി സംസ്ഥാന ജനറല്‍ സെക്രട്ടറിയുമായിരുന്നു സി എ കുര്യന്‍.
