കണ്ണൂര്: നേതാക്കളെ റാഞ്ചാന് ബി ജെ പിക്ക് പ്രത്യേക സംഘമുണ്ടെന്ന് കെ പി സി സി അദ്ധ്യക്ഷന് മുല്ലപ്പള്ളി രാമചന്ദ്രന്. കോടികള് വാഗ്ദ്ധാനം ചെയ്യുന്നുണ്ടെന്നും അദ്ദേഹം ആരോപിച്ചു. കര്ണാടകയില് നിന്നുള്ള പരിചയ സമ്പന്നരാണ് റാഞ്ചല് സംഘത്തിലുള്ളതെന്നും വ്യക്തിത്വമുള്ള കോണ്ഗ്രസുകാര് പോകില്ലെന്നും മുല്ലപ്പള്ളി പറഞ്ഞു.
ഒരു മാധ്യമത്തിന് നല്കിയ അഭിമുഖത്തില് സംസാരിക്കുകയായിരുന്നു അദ്ദേഹം. അതേസമയം ധര്മ്മടത്ത് കരുത്തനായ സ്ഥാനാര്ത്ഥിയെ നിര്ത്താന് സാധിക്കാത്തതില് ദു:ഖമുണ്ടെന്നും മുല്ലപ്പള്ളി പറഞ്ഞു.