കോട്ടയം: ഏറ്റുമാനൂർ മഹാദേവ ക്ഷേത്രത്തിൽ ഗുരുതര സുരക്ഷാ വീഴ്ച. ക്ഷേത്ര ശ്രീകോവിലിന്റെ ദൃശ്യങ്ങളടക്കം ചിത്രീകരിച്ച് യൂട്യൂബിൽ പ്രചരിപ്പിച്ചു. സംഭവത്തിൽ അടിയന്തര നടപടി ആവിശ്യപ്പെട്ട് ദേവസ്വം ബോർഡ് പോലീസിൽ പരാതി നൽകി. സംഭവത്തിൽ വലിയ പ്രതിക്ഷേധമാണ് ഭക്ത ജനങ്ങളുടെ ഭാഗത്ത് നിന്നുള്ളത്. ഒരു യുട്യൂബ് ചാനലിൽ ഒരാഴ്ച മുമ്പാണ് ശ്രീകോവിലിന്റെ ഉൾപ്പെടെയുള്ള ദൃശ്യങ്ങൾ പ്രസിദ്ധീകരിച്ചത്. ഒരുപാട് സുരക്ഷ പ്രാധാന്യം നൽകുന്നതാണ് ഏറ്റുമാനൂർ മഹാദേവ ക്ഷേത്രപരിസരവും ശ്രീകോവിലും. എന്നാൽ കൃത്യമായ സുരക്ഷ നൽകിയിട്ടും ഈ ദൃശ്യങ്ങൾ എങ്ങനെ പകർത്തി എന്നതാണ് ഏറ്റവും പ്രധാനപെട്ട ചോദ്യം. വൻ സുരക്ഷ വീഴ്ചയാണ് ക്ഷേത്രത്തിൽ ഉണ്ടായിരിക്കുന്നത്.
അമൂല്യ നിധികളും ചരിത്ര പ്രസിദ്ധമായ ഏഴര പൊന്നാനയും ക്ഷേത്രത്തിനുള്ളിലാണു സൂക്ഷിക്കുന്നത്. 2016-ൽ ക്ഷേത്രത്തെ സുരക്ഷാമേഖലയായി ഹൈക്കോടതി പ്രഖ്യാപിച്ചിരുന്നു. ഇവിടെ നാലമ്പലത്തിനുള്ളിൽ ക്യാമറ പ്രവേശിപ്പിക്കുന്നതിനും ആകാശദൃശ്യം പകർത്തുന്നതിനും നിരോധനമുണ്ട്. എന്നാൽ അത്തരം നിയമങ്ങളൊക്കെ ലംഘിച്ചുകൊണ്ടാണ് ക്ഷേത്രത്തിന്റെ ദൃശ്യങ്ങൾ ചിത്രീകരിച്ചിരിക്കുന്നത്.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
