പത്തനംതിട്ട : മലയാലപ്പുഴ പഞ്ചായത്ത് ഓഫീസിൽ വഴിവിളക്കിനു വേണ്ടി മെമ്പർമാർ നടത്തുന്ന സത്യഗ്രഹ സമരം ഏഴു ദിവസം പിന്നിട്ടു. ബിജെപി ചിറ്റാർ മണ്ഡലം വൈസ് പ്രസിഡന്റ് ശോഭ എസ് നായർ ഇന്നത്തെ സത്യാഗ്രഹ സമരം ഉദ്ഘാടനം ചെയ്തു. വഴി വിളക്കിനായി ഏഴു ദിവസവും സത്യാഗ്രഹവും, വൈകുന്നേരങ്ങളിൽ പഞ്ചായത്തിലെ വെളിച്ചമില്ലാത്ത പ്രദേശങ്ങളിൽ പന്തം കത്തിച്ചു വെളിച്ചം നൽകിയുള്ള പ്രതിഷേധവും തുടരുകയാണ്. നിരവധി അയ്യപ്പ ഭക്തർ മകരവിളക്ക് സമയത്ത് കാൽ നടയായി യാത്ര ചെയ്യുന്ന വഴികളിൽ ഉൾപ്പെടെ വെളിച്ചമില്ലാത്ത അവസ്ഥയാണ്. ബിജെപി പഞ്ചായത്ത് കമ്മിറ്റി പ്രസിഡന്റ് പി.പ്രശാന്ത് അധ്യക്ഷത വഹിച്ചു. യുവമോർച്ച മണ്ഡലം പ്രസിഡന്റ് പി.പ്രവീൺ, പഞ്ചായത്ത് കമ്മിറ്റി ജനറൽ സെക്രട്ടറി നന്ദിനി സുധീർ, സമര സമിതി കൺവീനർ ജി.മനോജ്, പഞ്ചായത്ത് അംഗങ്ങൾ ആയ ഷീബ രതീഷ്, സുമ രാജശേഖരൻ, ടി.ആർ രഞ്ജിത്, വിനോദ്, ശ്രീപ്രിയ വിനോദ് എന്നിവരും യോഗത്തിൽ സംസാരിച്ചു.
