കൊല്ലം : ഏഴുവയസ്സുകാരനോട് ലൈംഗികാതിക്രമം കാട്ടിയ ആൾ പോലീസ് പിടിയിലായി. പള്ളിത്തോട്ടം വാടി വയലിൽ പുരയിടത്തിൽ ജോണാ(50)ണ് പോലീസ് പിടിയിലായത്. ഓഗസ്റ്റ് മുതൽ ഇയാൾ കുട്ടിയോട് അടുത്തുകൂടി മിഠായിയും മറ്റും കൊടുത്ത് വശത്താക്കുകയായിരുന്നു. തുടർന്ന് കുട്ടിയെ ഇയാളുടെ വീട്ടിലെത്തിച്ച് അതിക്രമത്തിന് വിധേയനാക്കി.
കുട്ടിയുടെ അമ്മ പള്ളിത്തോട്ടം പോലീസിൽ നൽകിയ പരാതി നൽകിയതിനെ തുടർന്നാണ് അറസ്റ്റ്. പള്ളിത്തോട്ടം ഇൻസ്പെക്ടർ ആർ.ഫയാസിന്റെ നേതൃത്വത്തിൽ സബ് ഇൻസ്പെക്ടർമാരായ വി.എൻ.ജിബി, അനിൽ ബേസിൽ, ഹിലാരിയോസ്, എ.എസ്.ഐ. കൃഷ്ണകുമാർ, സി.പി.ഒ.മാരായ സ്ക്ലോബിൻ, അനീഷ് എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ റിമാൻഡ് ചെയ്തു.
