റാന്നി : കെ.എസ്.ആര്.ടി.സി ബസ് മതിലില് ഇടിച്ചുകയറി നിരവധി യാത്രക്കാര്ക്ക് പരിക്കേറ്റു. മേനാംതോട്ടം പറക്കുളത്തിന് സമീപം ഇന്ന് ഉച്ചയ്ക്ക് പന്ത്രണ്ടരയോടെയാണ് സംഭവം. പരിക്കേറ്റ യാത്രക്കാരെ റാന്നി താലൂക്ക് ആശുപത്രിയില് പ്രവേശിപ്പിച്ചു. പൂവന്മല വളയ്ക്കാട്ട് ജോണ് (76),ചേത്തയ്ക്കല് കാക്കനാട്ട് വിജയന്പിള്ള (61), ഇടമണ് അരുവിക്കുഴിയില് റെയ്ച്ചല് (48),വെച്ചൂച്ചിറ കുളത്തുങ്കല് സുബിന് (25), വൃന്ദാവനം മുണ്ടപ്പള്ളി ബിന്ദു (39), ജോബിയ(13), ഉതിമൂട് വേങ്ങമൂട്ടില് സണ്ണി വി.ജോര്ജ്(52), ജിനോ(21), റാന്നി ചാമക്കാലയില് ജലജ(54), അടൂര് ചരിവുവിള പുത്തന്വീട്ടില് കരണ്(21),
കണ്ടന്പേരൂര് ഉപ്പോലില് മധു(53), കക്കുടിമണ് പതാലിപ്പറമ്പില് പി.എ തോമസ് (73), ഇടമുറി പുള്ളോലില് സജിനി(21) എന്നിവരാണ് ആശുപത്രിയില് ചികിത്സയിലുള്ളത്. തിരുവല്ലയില് നിന്നും റാന്നിക്കു വന്ന കെ.എസ്.ആര്.ടി.സി ബസ് ഓട്ടോറിക്ഷയെ അമിതവേഗതയില് മറികടന്നെത്തിയ കാറില് ഇടിക്കാതിരിക്കാന് വെട്ടിച്ചതാണ് അപകടത്തിന് കാരണം. അപകടത്തിന് പിന്നാലെ കാര് നിര്ത്താതെ പോയതായി ദൃക്സാക്ഷികള് പറഞ്ഞു.
