34.1 C
Pathanāmthitta
Thursday, January 27, 2022 2:23 pm
- Advertisment -

നാറാണംമൂഴിയില്‍ രൂക്ഷമായ വരള്‍ച്ച  ; പമ്പാനദിയില്‍ തടയണയും കോസ് വേയും നിര്‍മ്മിക്കണമെന്നാവശ്യപ്പെട്ട് മന്ത്രിക്ക് നിവേദനം നല്‍കി

റാന്നി : പമ്പാനദിയിലെ കൊടുമ്പുഴ കടുമീന്‍ചിറ അമ്പലക്കടവ് കരകളെ ബന്ധിപ്പിച്ച് കോസ് വേയോടു കൂടിയ തടയണയും, അത്തിക്കയം ചീങ്കയില്‍പ്പടിയില്‍ തടയണയും നിര്‍മ്മിക്കണമെന്നാവശ്യപ്പെട്ട് ബി.കെ.എം.യു നാറാണംമൂഴി മേഖലാ സെക്രട്ടറി അനില്‍ അത്തിക്കയം ജലസേചന വകുപ്പ് മന്ത്രിക്ക് നിവേദനം നല്‍കി. നാറാണംമൂഴി പഞ്ചായത്ത് വേനല്‍ക്കാലത്ത് രൂക്ഷമായ വരള്‍ച്ച നേരിടുന്ന പ്രദേശമാണ്. വര്‍ഷകാലത്ത് ജലസമൃദ്ധമാകുന്ന പമ്പാനദി വേനല്‍ കടുക്കുന്നതോടെ വെള്ളത്തിന്റെ ഒഴുക്കു നിലച്ച് വറ്റി വരളും. മുമ്പ് ജലസമൃദ്ധമായിരുന്ന നദി പെരുന്തേനരുവി ഡാം വന്നതോടെയാണ് മുറിഞ്ഞ് ഒഴുകുന്ന നിലയിലേക്കെത്തിയതത്. പ്രദേശത്തെ ജനങ്ങള്‍ തങ്ങളുടെ ആവശ്യങ്ങള്‍ക്കായി ആശ്രയിക്കുന്നത് ഈ നദിയാണ്. തടയണയും കോസ് വേയും നിര്‍മ്മിച്ചാല്‍ വേനല്‍ക്കാലത്തും നദിയെ ജലസമൃദ്ധമാക്കി നിലനിര്‍ത്താന്‍ കഴിയും. കൂടാതെ കൊച്ചുകുളം, ചണ്ണ, കുടമുരട്ടി, തോണിക്കടവ് തുടങ്ങിയ സ്ഥലങ്ങളിലെ താമസക്കാരുടെ യാത്ര പ്രശ്നങ്ങള്‍ക്ക് പരിഹാരമാകുമെന്നും നിവേദനത്തില്‍ ചൂണ്ടിക്കാട്ടുന്നു.

- Advertisment -
Advertisment
Advertisment
- Advertisment -
- Advertisment -

Most Popular