ദില്ലി: ഗുസ്തി താരങ്ങളുടെ ലൈംഗിക പീഡന പരാതിയില് ഗുസ്തി ഫെഡറേഷന് പ്രസിഡന്റ് ബ്രിജ് ഭൂഷണ് ശരണ് സിങ്ങിന് ഡല്ഹി റോസ് അവന്യൂ കോടതി ഇടക്കാല ജാമ്യം അനുവദിച്ചു. ലൈംഗികമായി പീഡിപ്പിച്ചെന്ന വനിതാ ഗുസ്തി താരങ്ങളുടെ പരാതിയിലാണ് ബിജെപി എംപി കൂടിയായ ബ്രിജ് ഭൂഷണ് സിങിന് ഇടക്കാല ജാമ്യം അനുവദിച്ചത്. കനത്ത സുരക്ഷാ അകമ്പടിയോടെയാണ് ബ്രിജ് ഭൂഷണ് ശരണ് സിങ്ങിനെ റോസ് അവന്യൂ കോടതിയില് ഹാജരാക്കിയത്. സിവില് ഡ്രസില് ഉള്പ്പടെ പോലീസുകാരും കോടതിക്ക് പുറത്ത് അര്ദ്ധസൈനിക വിഭാഗത്തെയും വിന്യസിച്ചിരുന്നു.
ഡബ്ല്യുഎഫ്ഐ തലവന് ബ്രിജ് ഭൂഷണ് ശരണ് സിങ്ങിനെതിരെ ”പോക്സോ വകുപ്പ് പ്രകാരമുള്ള കുറ്റം ചൂണ്ടിക്കാണിക്കാന്” സ്ഥിരീകരിക്കുന്ന തെളിവുകളൊന്നും കണ്ടെത്തിയിട്ടില്ലെന്ന് ഡല്ഹി പോലീസ് കഴിഞ്ഞ മാസം പറഞ്ഞിരുന്നു. പട്യാല ഹൗസ് കോടതിയുടെ പരിഗണനയിലുള്ള കുട്ടികളുടെ ലൈംഗികാതിക്രമങ്ങളില് നിന്നുള്ള സംരക്ഷണ നിയമം (പോക്സോ) റദ്ദാക്കാനും ഡല്ഹി പോലീസ് ശുപാര്ശ ചെയ്തിരുന്നു.
