തൃശൂര്: ബസ് യാത്രക്കിടെ വിദ്യാര്ഥിക്ക് നേരെ ലൈംഗീകാതിക്രമം നടത്തിയ സംഭവത്തില് യുവാവ് അറസ്റ്റില്.
കുകിയച്ചിറ സ്വദേശി സുധീര് ഇസ്ലാഹിയെ ആണ് തൃശൂര് ഈസറ്റ് പോലീസ് പിടികൂടിയത്. ഈമാസം 18നായിരുന്നു കേസിനാസ്പദമായ സംഭവം. ക്ലാസ് കഴിഞ്ഞ് വീട്ടിലേക്ക് മടങ്ങാനായി തൃശൂര് വടക്കേ ബസ് സ്റ്റാന്ഡിലെ പാര്ക്ക് ചെയ്തിരുന്ന ബസില് കുട്ടി ഇരിക്കുന്നതിനിടെയാണ് സുധീര് അതിക്രമം നടത്തിയത്. ലൈംഗീക ഉദ്ദേശത്തോടെ ഇയാള് കുട്ടിയുടെ ശരീരത്തില് സ്പര്ശിക്കുകയും പ്രേരിപ്പിക്കുകയും ചെയ്തു എന്നാണ് പരാതി. ഇയാള് ഇതിനുമുമ്പും ഇതേ വിദ്യാര്ഥിയെ പിന്തുടര്ന്ന്, സമാനമായ രീതിയില് കുറ്റകൃത്യത്തിന് ശ്രമിച്ചിരുന്നതായും പരാതിയില് പറയുന്നു. തൃശൂര് നഗരത്തില് സ്ഥാപിച്ചിട്ടുള്ള സിസിടിവി കാമറകള് കേന്ദ്രീകരിച്ചുള്ള അന്വേഷണത്തിലാണ് ഇയാളെ അറസ്റ്റുചെയ്തത്.
