തൃശൂര്: തൃശ്ശൂരില് എസ്എഫ്ഐ പ്രവര്ത്തകര്ക്ക് നേരെ ആക്രമണം. പ്രവേശനോത്സവത്തിന്റെ ഭാഗമായി മധുരം വിതരണം ചെയ്യാന് എത്തിയ എസ്എഫ്ഐ പ്രവര്ത്തകരെ ഐ.എന്.ടി.യുസി പ്രവര്ത്തകര് മര്ദിച്ചതായാണ് പരാതി. കട്ടിലപ്പൂവം സ്കൂളിനു മുന്നില് മധുരം വിതരണം ചെയ്യാന് എത്തിയ എസ്.എഫ്.ഐ പ്രവര്ത്തകര്ക്കാണ് മര്ദ്ദനമേറ്റത്. ആക്രമണത്തില് 5 എസ്എഫ്ഐ പ്രവര്ത്തകര്ക്ക് പരുക്കേറ്റു.
മധുരം വിതരണം ചെയ്യുന്നത് തടയുകയും പ്രവര്ത്തകരെ മര്ദ്ദിക്കുകയും ചെയ്തുവെന്ന് എസ്.എഫ്.ഐ പ്രവര്ത്തകര് ആരോപിക്കുന്നത്. എസ്എഫ്ഐ ജില്ലാ കമ്മിറ്റി അംഗം ശരണ്യ, അശ്വിന്, അലന് അഭിരാമി സൂര്യ എന്നിവര്ക്കാണ് പരുക്കേറ്റത്. ഇവര് തൃശ്ശൂര് സഹകരണ ആശുപത്രിയില് ചികിത്സ തേടി. സംഭവത്തില് ജില്ലയിലെ ക്യാമ്പസുകളില് എസ്എഫ്ഐയുടെ നേതൃത്വത്തില് പ്രതിഷേധം സംഘടിപ്പിച്ചു.
