കോഴിക്കോട് : ഇന്ധന വില വര്ധനവിനെ ട്രോളിയും ബിജെപി അധ്യക്ഷന് കെ.സുരേന്ദ്രന്റെ പഴയ പ്രസ്താവനയെ കളിയാക്കിയും ഷാഫി പറമ്പില് എം.എല്.എയുടെ ഫെയ്സ്ബുക്ക് പോസ്റ്റ്. ഇത് മോഡി-അമിത്ഷാ കൂട്ടുകെട്ടിന്റെ വിജയമെന്ന് അദ്ദേഹം ഫെയ്സ് ബുക്കില് കുറിച്ചു.
കെ. സുരേന്ദ്രന്റെ നാവ് പൊന്നാണ്. 50 രൂപക്ക് പെട്രോള് കിട്ടുമ്പോള് വേണ്ടെന്ന് പറയരുതെന്ന് അദ്ദേഹം അന്നേ നമ്മളോട് പറഞ്ഞതാണ്. അത് ഏതാണ്ട് ശരിയായിട്ടുണ്ട്. അര ലിറ്റര് 50 രൂപക്കുറപ്പായിട്ടുണ്ട്. ഷാഫി പറഞ്ഞു. ഇന്ധന വില കൊള്ളക്കെതിരെ നിരാഹാര സമര വേദിക്ക് മുന്നില് യൂത്ത് കോണ്ഗ്രസ്സ് പ്രതിഷേധം സംഘടിപ്പിക്കുമെന്നും അദ്ദേഹം പറഞ്ഞു.
