കോഴിക്കോട്: ട്രെയിന് തീവെച്ച സംഭവത്തില് പ്രതി ഷാറൂഖ് സെയ്ഫിയെ കോഴിക്കോട് മെഡിക്കല് കോളേജില് അഡ്മിറ്റ് ചെയ്തു. മഞ്ഞപ്പിത്തം സ്ഥിരീകരിച്ചതിനെ തുടര്ന്നാണ് പ്രതിയെ ആശുപത്രിയില് അഡ്മിറ്റ് ചെയ്തത്. മെഡിക്കല് കോളേജിലെ പോലീസ് സെല്ലിലാണ് ഷാരൂഖിനെ അഡ്മിറ്റ് ചെയ്തത്. രക്ത പരിശോധന ഫലത്തിന്റെ അടിസ്ഥാനത്തിലാണ് പോലീസിന്റെ നടപടി. അതേസമയം ഷാറൂഖ് സെയ്ഫിയെ വിശദമായി ചോദ്യം ചെയ്യുമെന്ന് സംസ്ഥാന പോലീസ് മേധാവി അനില്കാന്ത് അറിയിച്ചു.
അതേസമയം പ്രതി ഷാറൂഖിനെ വ്യാഴാഴ്ച കോടതിയില് ഹാജരാക്കില്ല. കൂടാതെ ഷാറൂഖ് സെയ്ഫിനെ വൈദ്യപരിശോധനയ്ക്ക് ശേഷം ചോദ്യം ചെയ്തിരുന്നു. ചോദ്യങ്ങള്ക്ക് കൃത്യമായ ഉത്തരം നല്കാതെ പ്രതി അന്വേഷണ ഉദ്യോഗസ്ഥരോട് സഹകരിച്ചില്ല. ഇന്ന് രാവിലെ പത്ത് മണിക്കാണ് കേസില് ഷാറൂഖ് സെയ്ഫിയുടെ അറസ്റ്റ് അന്വേഷണ സംഘം രേഖപ്പെടുത്തുന്നത്. ഷാറൂഖിനെതിരെ യിഎപിഎ സെക്ഷന് 16 ചുമത്താനാണ് പോലീസ് തലപ്പത്തു ചര്ച്ച നടക്കുന്നത്.
