മല്ലപ്പള്ളി : പരിയാരം സെന്റ് ആൻഡ്രൂസ് മാർത്തോമ്മ ഇടവകയുടെ ശതാബ്ദി സമാപന സമ്മേളനം ശനിയാഴ്ച നടക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. ഗോവ ഗവർണർ പി.എസ് ശ്രീധരൻ പിള്ള ഉദ്ഘാടനം ചെയ്യും. റൈറ്റ് റവ. എബ്രഹാം മാർ പൗലോസ് എപ്പിസ്കോപ്പ അധ്യക്ഷത വഹിക്കും. മോസ്റ്റ് റവ. തീയോഡോഷ്യസ് മാർത്തോമ്മ മെത്രാപ്പോലിത്ത ശതാബ്ദി സന്ദേശം നൽകും. ആന്റോ ആന്റണി എംപി, മാത്യൂ റ്റി തോമസ് എം എൽ എ, മുൻ രാജ്യസഭ ഉപാധ്യക്ഷൻ പി ജെ കുര്യൻ, മല്ലപ്പള്ളി പഞ്ചായത്ത് പ്രസിഡന്റ് ഗീതാ കൃര്യാക്കോസ് എന്നിവർ സംസാരിക്കും.
ഭവനം ഇല്ലാത്ത മൂന്ന് പേർക്ക് ഭവന നിർമ്മാണ, ഭൂമിയില്ലാത്ത രണ്ട് പേർക്ക് ഭൂമി ലഭ്യമാക്കുക, 500 പേർക്ക് ഒരു വർഷം ഡയാലിസിസ് , 50,000 രൂപ വിതമുള്ള വിവാഹ ധനസഹായം മൂന്ന് പേർക്ക് , ചികിത്സാ സഹായം, വിദ്യാഭ്യാസ, സാധു സഹായം എന്നിവയെല്ലാം ശതാബ്ദി വർഷം നടപ്പിലാക്കി. വികാരി റവ. കെ.വി ചെറിയാൻ, ജനറൽ കൺവീനർ വി.തോമസ് മാത്യൂ , വി.റ്റി തോമസ്, വർഗിസ് ചെറിയാൻ, ജോർജ് ജേക്കബ്, വർഗിസ് കുരുവിള എന്നിവർ വാർത്താ സമ്മേളനത്തിൽ പങ്കെടുത്തു.
