ധാക്ക : രാജ്യത്ത് ദുര്ഗാപൂജയുമായി ബന്ധപ്പെട്ട പന്തലുകള് തകര്ക്കപ്പെട്ടതും ക്ഷേത്രങ്ങള് നശിപ്പിച്ചതുമായ സംഭവങ്ങളില് വിശദീകരണവുമായി ബംഗ്ളാദേശ് പ്രധാനമന്ത്രി ഷേയ്ഖ് ഹസീന. ബംഗ്ളാദേശ് ഒരു മതേതര രാജ്യമാണ്. ഇവിടെ നിരവധി മതങ്ങളുണ്ട്. മതസൗഹാര്ദ്ദവുമുണ്ട്. ഇത്തരം ഒന്നോ രണ്ടോ സംഭവമുണ്ടാകുമ്പോള് ഉടനടി നടപടിയെടുക്കാറുണ്ട്.’ ഇന്ത്യാ സന്ദര്ശനത്തിന് മുന്നോടിയായി മാദ്ധ്യമങ്ങളോട് സംസാരിക്കുകയായിരുന്നു ഷേയ്ഖ് ഹസീന. തന്റെ സര്ക്കാര് മതനിരപേക്ഷതയെ ശക്തമായി പിന്തുണയ്ക്കുന്നെന്നും സാമുദായിക സൗഹാര്ദ്ദം തകര്ക്കാനുളള ഏതൊരുതരം ശ്രമവും എതിര്ക്കുമെന്നും ബംഗ്ലാദേശ് പ്രധാനമന്ത്രി വ്യക്തമാക്കി.
മത തീവ്രവാദം തങ്ങളുടെ രാജ്യത്ത് മാത്രം ഒതുങ്ങിനില്ക്കുന്നതല്ലെന്നും നിരവധി രാജ്യങ്ങളിലുണ്ടെന്നും ഇന്ത്യയിലും അത്തരം തീവ്രവാദമുണ്ടെന്നും ഹസീന വാദിച്ചു. രാജ്യത്തെ ഹിന്ദു ന്യൂനപക്ഷങ്ങളോട് നിങ്ങള് ഞങ്ങളുടെ പൗരന്മാരാണെന്ന് എപ്പോഴും താന് പറയാറുളളതായും ഹസീന ചൂണ്ടിക്കാട്ടി. തങ്ങള് അധികാരത്തിലുളള കാലം ഹിന്ദുക്കള്ക്ക് പ്രാധാന്യം നല്കുമെന്നും ഷേയ്ഖ് ഹസീന പറഞ്ഞു. ഇന്ത്യയില് പോലും ന്യൂനപക്ഷങ്ങള് ബുദ്ധിമുട്ട് അനുഭവിക്കുന്നുണ്ട്. സെപ്തംബര് അഞ്ച് മുതല് എട്ട് വരെയാണ് ഷേയ്ഖ് ഹസീനയുടെ ഇന്ത്യാ സന്ദര്ശനം.