ന്യൂഡല്ഹി: കേന്ദ്ര സര്ക്കാര് ഒരു കോടിയിലധികം ജീവനക്കാര്ക്കും പെന്ഷന്കാര്ക്കുമുള്ള ക്ഷാമബത്ത (ഡി.എ.) വര്ധിപ്പിച്ചേക്കുമെന്ന് റിപ്പോര്ട്ട്. നാലു ശതമാനമായിരിക്കും വര്ധന. നേരത്തെ അംഗീകരിച്ച ഫോര്മുല പ്രകാരം നിലവിലുള്ള 38 ശതമാനത്തില് നിന്ന് 42 ശതമാനമായിട്ടാകും വര്ധിപ്പിക്കുക. ഈ വര്ഷം ജനുവരി 1 മുതലുള്ള പ്രാബല്യമാണ് ഉണ്ടാകുകയെന്ന് പി.ടി.ഐ റിപ്പോര്ട്ട് ചെയ്യുന്നു. തൊഴില് മന്ത്രാലയത്തിന്റെ ലേബര് ബ്യൂറോ ഉപഭോക്തൃ വില സൂചികയുടെ അടിസ്ഥാനത്തിലാണ് ക്ഷാമബത്ത കണക്കാക്കുന്നത്. സൂചികയുടെ വാര്ഷിക ശരാശരി 361.75 പോയിന്റില്നിന്ന് 372.25 പോയിന്റായി ഉയര്ന്നിരുന്നു.
