തിരുവനന്തപുരം: ശ്രീകാര്യത്ത് ദുരൂഹ സാഹചര്യത്തില് തൂങ്ങി മരിച്ച നിലയില് കണ്ടെത്തിയ വര്ക്കല സ്വദേശി ഷൈജുവിന്റെ മരണത്തിനു മുന്പുള്ള സിസിടി ദൃശ്യങ്ങള് പോലീസിന് ലഭിച്ചു. ആത്മഹത്യ ചെയ്ത കെട്ടിടത്തിലേക്ക് നടന്നു പോകുന്ന സിസിടിവി ദൃശ്യങ്ങളാണ് ശ്രീകാര്യം പോലീസിന് ലഭിച്ചത്. ഷൈജുവിനെ തൂങ്ങിമരിച്ച നിലയില് കണ്ടെത്തിയ കെട്ടിടത്തിന്റെ എതിര്വശത്തുള്ള കെട്ടിടത്തിലെ സിസിടിവി ദൃശ്യങ്ങളില് ഷൈജു ഒറ്റക്ക് നടന്ന് പോകുന്നതായാണ് കാണുന്നത്.
ഷൈജുവിനെ തൂങ്ങി മരിച്ച നിലയില് കണ്ടെത്തിയതിന്റെ തലേദിവസം വൈകിട്ട് 5.34ന് ഉള്ള ദൃശ്യമാണ് പോലീസിന് ലഭിച്ചത്. അതേസമയം മറ്റാരും ഷൈജുവിന്റെ കൂടെ ഇല്ലാത്തതിനാല് ആത്മഹത്യയാകാനാണ് സാധ്യത എന്നാണ് അന്വേഷണ സംഘത്തിന്റെ വിലയിരുത്തല്. പോസ്റ്റുമോര്ട്ടം റിപ്പോര്ട്ടും ഫോറന്സിക് റിപ്പോര്ട്ടും കിട്ടിയതിനുശേഷമേ കൂടുതല് കാര്യങ്ങള് അറിയാന് സാധിക്കുവെന്ന് ശ്രീകാര്യം പോലീസ് പറഞ്ഞു. ഈ മാസം 15നാണ് വര്ക്കല സ്വദേശിയായ ഷൈജുവിനെ ശ്രീകാര്യത്തെ സ്വകാര്യ കെട്ടിടത്തിന് പുറകുവശത്ത് തൂങ്ങി മരിച്ച നിലയില് കണ്ടെത്തിയത്.