കോഴഞ്ചേരി : നിയന്ത്രണം വിട്ട കാര് കടയിലേക്ക് ഇടിച്ച് കയറി കടയുടമ മരിച്ചു. മുട്ടുമണ്ണില് പഞ്ചര് കട നടത്തി വന്നിരുന്ന കോയിപ്രം വരയന്നൂര് സ്വദേശി ജോസഫ് (അനിയന് – 68) ആണ് മരിച്ചത്. ഉച്ചയ്ക്ക് 12 മണിയോടെ ആയിരുന്നു അപകടം നടന്നത്. തിരുവല്ല – കോഴഞ്ചേരി റോഡില് സഞ്ചരിച്ച കാര് നിയന്ത്രണം വിട്ട ശേഷം കടയിലേക്ക് പാഞ്ഞ് കയറുകയായിരുന്നു. കടയുടെ മുന്നില് പഞ്ചര് ജോലി ചെയ്തുകൊണ്ടിരുന്ന ജോസഫിന്റെ ശരീരത്തിലൂടെ വാഹനം കയറി ഇറങ്ങുകയായിരുന്നു. അപകടത്തില് സമീപത്ത് ഉണ്ടായിരുന്ന ഇരുചക്ര വാഹനങ്ങള്ക്കും നാശം സംഭവിച്ചു. കാറില് ഒരാള് മാത്രമാണ് ഉണ്ടായിരുന്നത്. കോയിപ്രം പോലീസ് സ്ഥലത്തെത്തി നടപടികള് സ്വീകരിച്ചു. മൃതദേഹം പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുനല്കും.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
