തിരുവനന്തപുരം: മഴയുമായി ബന്ധപ്പെട്ട് വിദ്യാര്ത്ഥികള്ക്കും രക്ഷിതാക്കള്ക്കും വിവരങ്ങള് കൃത്യമായി ലഭിക്കാന് ഹെല്പ് ഡെസ്കുകള് ആരംഭിക്കണമെന്ന് മന്ത്രി വി.ശിവന്കുട്ടി. സ്കൂളുകള്, എഇഒ, ഡിഇഒ, ഡിഡി, ഡിജിഇ ഓഫീസുകളില് ആണ് ഹെല്പ് ഡെസ്ക്കുകള് സ്ഥാപിക്കേണ്ടത്. ഹെല്പ് ഡെസ്ക്കുമായി ബന്ധപ്പെട്ട നമ്പറുകള് വിദ്യാര്ത്ഥികള്ക്കും രക്ഷിതാക്കള്ക്കും പ്രാപ്യമായ രീതിയില് പ്രദര്ശിപ്പിക്കണമെന്നും മന്ത്രി ഫേസ്ബുക്കിലൂടെ അറിയിച്ചു.
രാവിലെ എട്ട് മണി മുതല് സ്കൂള് അവസാനിക്കുന്നത് വരെ ഹെല്പ് ഡെസ്ക്കുകള് പ്രവര്ത്തിക്കണം. ഓഫീസുകളില് പ്രവര്ത്തന സമയം മുഴുവന് ഹെല്പ് ഡെസ്ക് പ്രവര്ത്തിക്കണം. ഹെല്പ് ഡെസ്കുകള്ക്ക് ഓരോ ദിവസത്തിനുള്ള ചുമതലക്കാരെ നിശ്ചയിക്കണം. മഴയുടെ തീവ്രത കുറയുന്നത് വരെ ഈ സംവിധാനം തുടരണം. ബന്ധപ്പെട്ട ഉദ്യോഗസ്ഥര് ഇക്കാര്യം ഉറപ്പുവരുത്തണം. മഴയുമായി ബന്ധപ്പെട്ട് സ്കൂളിന്റെ പ്രവര്ത്തനം സംബന്ധിച്ച വിദ്യാര്ത്ഥികളുടെയും രക്ഷകര്ത്താക്കളുടെയും ആശങ്ക അകറ്റാന് ഈ ഹെല്പ് ഡെസ്ക്കുകള് പ്രയോജനം ചെയ്യണമെന്നും മന്ത്രി പറഞ്ഞു.
