കോഴിക്കോട്: തിരൂരിലെ ഹോട്ടലുടമ സിദ്ദിഖിന്റെ മൃതദേഹം ഇന്ന് ഖബറടക്കും. കോരങ്ങത്ത് ജുമാ മസ്ജിദ് കബര്സ്ഥാനില് ആണ് കബറടക്കം. എക്സ് റേ പരിശോധന അടക്കമുള്ള നടപടികള്ക്ക് ശേഷം മൃതദേഹ അവശിഷ്ടങ്ങള് മോര്ച്ചറിയില് സൂക്ഷിച്ചിട്ടുണ്ട്. പോസ്റ്റ്മോര്ട്ടം നടപടികള് പുരോഗമിക്കുകയാണ്. രണ്ട് മണിയോടെയാണ് മൃതദേഹം അട്ടപ്പാടിയില്നിന്ന് കോഴിക്കോട് മെഡിക്കല് കോളേജില് എത്തിച്ചത്. എക്സ് റേ പരിശോധനയ്ക്ക് ശേഷമാണ് തിരികെ മൃതദേഹം മോര്ച്ചറിയില് എത്തിച്ചത്. ലോഹത്തിന്റെയോ ആയുധത്തിന്റെയോ അവശിഷ്ടങ്ങള് ശരീരത്തിലുണ്ടോ എന്ന് പരിശോധിച്ചു. മൃതദേഹത്തിന്റെ മുഴുവന് ഭാഗങ്ങളും ഉണ്ടോയെന്നും സ്ഥിരീകരിക്കാനായിരുന്നു പരിശോധന
കോഴിക്കോട് ഹോട്ടല്മുറിയില് അതിക്രൂരമായി കൊല ചെയ്യപ്പെട്ട സിദ്ദിഖിന്റെ മരണത്തില് നാല് പേരെ നിലവില് പോലീസ് കസ്റ്റഡിയിലെടുത്തിട്ടുണ്ട്. ഷിബിലി, സുഹൃത്ത് ഫര്ഹാന, ഷുക്കൂര്, ആഷിഖ് എന്നിവരാണ് പിടിയിലായത്. സിദ്ദിഖിന്റെ കോഴിക്കോട് ഒളവണ്ണയിലെ ഹോട്ടലിലെ ജീവനക്കാരനായിരുന്നു ഷിബിലി.
