കോഴിക്കോട്: ഹോട്ടലുടമ സിദ്ദിഖിന്റെ കൊലപാതകത്തില് ഹോട്ടല് ജീവനക്കാരുടെ മൊഴി പുറത്ത്. രണ്ട് മുറികളുടെയും വാടക നല്കിയത് സിദ്ദിഖ് തന്നെയാണെന്നാണ് ഹോട്ടല് ജീവനക്കാര് മൊഴി നല്കുന്നത്. സിദ്ദിഖ് തുക അഡ്വാന്സായി നല്കുകയായിരുന്നുവെന്നും ഹോട്ടല് ജീവനക്കാര് മൊഴി നല്കി. മുറിയില് രക്തകറ കണ്ടിരുന്നുവെന്നും ഇതെക്കുറിച്ച് ചോദിച്ചപ്പോള് ഷിബിലും ഫര്ഹാനയും തങ്ങളെ തെറ്റിദ്ധരിപ്പിച്ചുവെന്നും ഹോട്ടല് ജീവനക്കാര് പറയുന്നു. ആര്ത്തവ രക്തമാണ് എന്നാണ് ഷിബിലും ഫര്ഹാനയും പറഞ്ഞത് എന്നാണ് ജീവനക്കാരുടെ മൊഴി.
കേസില് ഇതുവരെ മൂന്ന് പേരാണ് പിടിയിലായത്. ഹോട്ടല് ജീവനക്കാരനായിരുന്ന ഷിബിലി ഇയാളുടെ സുഹൃത്തുക്കളായ ഫര്ഹാന, ആഷിക് എന്നിവരാണ് പോലീസിന്റെ പിടിയിലായത്. ചെന്നൈയില് പിടിയിലായ ഷിബിലിയെയും ഫര്ഹാനയെയും രാത്രിയോടെ മലപ്പുറത്ത് എത്തിക്കും. അതേസമയം, കൊല്ലപ്പെട്ട സിദ്ദീഖിന്റെ മൃതദേഹം രാത്രിയോടെ സംസ്കരിക്കും.
