കോഴിക്കോട്: നാടിനെ നടുക്കിയ ഹോട്ടലുടമ സിദ്ദിഖിന്റെ കൊലപാതകത്തില് പുതിയ തുറന്നുപറച്ചിലുമായി പ്രതികളിലൊരാളായ ഫര്ഹാന. താന് കൊന്നിട്ടില്ലെന്നും എല്ലാം ആസൂത്രണം ചെയ്തത് ഷിബിലിയാണെന്നും ഫര്ഹാന പറഞ്ഞു. കൃത്യം നടക്കുമ്പോള് മുറിയിലുണ്ടായിരുന്നു. എല്ലാം ആസൂത്രണം ചെയ്തത് ഷിബിലിയും ആഷിഖും ചേര്ന്നാണ്. ഷിബിലിക്കും ആഷിക്കിനും ഒപ്പം നിന്നു. ഹണി ട്രാപ് അല്ലെന്നും ഫര്ഹാന പറഞ്ഞു. പ്രതി ഫര്ഹാനയുടെ വീട്ടിലും തെളിവെടുപ്പ് നടത്തിയിരുന്നു.
അതേസമയം സിദ്ദിഖിന്റെ കൊലപാതകം നടന്ന ഹോട്ടല് ഡി കാസ ഇന് പ്രവര്ത്തിച്ചത് അനുമതി ഇല്ലാതെയെന്ന് കണ്ടെത്തല്. കോര്പ്പറേഷന് ലൈസന്സോ മലിനീകരണ നിയന്ത്രണ ബോര്ഡില് നിന്നുള്ള അനുമതിയോ ഇല്ലാതെയായിരുന്നു പ്രവര്ത്തനം. കൊലപാതകത്തിന്റെ പശ്ചാത്തലത്തില് പ്രവര്ത്തനം നിര്ത്തിവയ്ക്കാന് നോട്ടീസ് നല്കിയെന്ന് കോര്പ്പറേഷന് അറിയിച്ചു.
