29.1 C
Pathanāmthitta
Monday, June 27, 2022 1:46 pm

സിദ്ധു മുസേവാല വെടിയേറ്റു കൊല്ലപ്പെട്ട സംഭവം ; കുപ്രസിദ്ധ ഗുണ്ടാ നേതാവ് ഗോള്‍ഡി ബ്രാറിനെതിരെ റെഡ് കോര്‍ണര്‍ നോട്ടീസ്

ചണ്ഡീഗഡ്‌ : പഞ്ചാബി ഗായകനും കോണ്‍ഗ്രസ് നേതാവുമായ സിദ്ധു മുസേവാല വെടിയേറ്റു കൊല്ലപ്പെട്ട സംഭവത്തില്‍ കുപ്രസിദ്ധ ഗുണ്ടാ നേതാവ് ഗോള്‍ഡി ബ്രാറിനെതിരെ റെഡ് കോര്‍ണര്‍ നോട്ടീസ്. ഇന്റര്‍പോളാണ് റെഡ് കോര്‍ണര്‍ നോട്ടീസ് പുറപ്പെടുവിപ്പിച്ചിട്ടുള്ളത്. ഗോള്‍ഡി ബ്രാര്‍ കഴിഞ്ഞ ദിവസം ഗായകന്റെ കൊലപാതകത്തിന്റെ ഉത്തരവാദിത്വം ഏറ്റെടുത്തിരുന്നു. ഇതിന് പിന്നാലെയാണ് ഇയാള്‍ക്കെതിരെ റെഡ് കോര്‍ണര്‍ നോട്ടീസ് പുറപ്പെടുവിച്ചത്. കാനഡയിലുള്ള ഇയാളെ ഇന്ത്യയിലേക്ക് കൊണ്ടുവരുന്നതിനുള്ള നടപടികള്‍ ആരംഭിക്കുമെന്ന് സിബിഐ വ്യക്തമാക്കി.

യൂത്ത് കോണ്‍ഗ്രസ് നേതാവായ ഗുര്‍ലാല്‍ പെഹല്‍വാന്‍ കൊലപാതകത്തിന് പിന്നാലെയാണ് ഗോള്‍ഡി ബ്രാര്‍ എന്നറിയപ്പെടുന്ന സദീന്ദര്‍ സിംഗ് വാര്‍ത്തകളില്‍ ഇടം നേടുന്നത്. ഗുണ്ടാസംഘത്തലവനായ ലോറന്‍സ് ബിഷ്‌ണോയിയുടെ ഏറ്റവും അടുത്ത അനുയായിട്ടാണ് ഈ സംഭവത്തിന് ശേഷം ബ്രാര്‍ അറിയപ്പെട്ടത്. 2017 ലാണ് ഗോള്‍ഡി ബ്രാര്‍ സ്റ്റുഡന്റ് വിസയില്‍ കാനഡയിലേക്ക് കടന്നത്. ഗുണ്ടാ നേതാവ് ലോറന്‍സ് ബിഷ്‌ണോയിയുടെ സംഘത്തിലെ സജീവ അംഗമാണ് ഗോള്‍ഡി ബ്രാര്‍. കാനഡയിലാണ് ആസ്ഥാനമാക്കിയാണ് ഗോള്‍ഡി ബ്രാര്‍ പ്രവര്‍ത്തിക്കുന്നത്. 29 കാരനായ ഇയാള്‍ക്കെതിരെ കൊലപാതകവും വധശ്രമവും അടക്കം 16 ഓളം കേസുകളാണ് പഞ്ചാബില്‍ മാത്രമുള്ളത്.

നാലുകേസുകളില്‍ ഗോള്‍ഡി ബ്രാറിനെ കോടതി വെറുതെവിടുകയും ചെയ്തു. എ പ്ലസ് കാറ്റഗറിയില്‍ ഉള്‍പ്പെടുത്തിയിട്ടുള്ള കുപ്രസിദ്ധ കുറ്റവാളിയാണ് ഗോള്‍ഡി ബ്രാര്‍. വിവിധ കാലയളവുകളില്‍ വിവിധ രൂപങ്ങളില്‍ പ്രത്യക്ഷപ്പെടുന്ന ഇയാളുടെ ഫോട്ടോകളും പഞ്ചാബ് പോലീസിന്റെ ഫയലുകളിലുണ്ട്.

- Advertisment -
- Advertisment -
Advertisment
- Advertisment -

Most Popular