ഗാങ്ടോക്ക് : വടക്കുകിഴക്കന് സംസ്ഥാനമായ സിക്കീമില് ആദ്യ കോവിഡ് മരണം റിപ്പോര്ട്ട് ചെയ്തു. 74 വയസുകാരനാണ് ഞായറാഴ്ച സര്ക്കാര് ആശുപത്രിയില്വെച്ച് മരിച്ചതെന്ന് ആരോഗ്യവകുപ്പ് അറിയിച്ചു.
കിഴക്കന് സിക്കിം ജില്ലയിലെ താമസക്കാരനായിരുന്നു ഇയാള്. ശനിയാഴ്ചയാണ് ആശുപത്രിയില് പ്രവേശിപ്പിച്ചത്. പിന്നീട് രോഗം മൂര്ച്ഛിക്കുകയും ഞായറാഴ്ച മരണം സംഭവിക്കുകയുമായിരുന്നു. സംസ്ഥാനത്ത് ഒരാള് കോവിഡ് വന്ന് മരിച്ചതില് അതീവ ദു:ഖം രേഖപ്പെടുത്തുന്നതായി മുഖ്യമന്ത്രി പ്രേം സിംഗ് തമാങ് പറഞ്ഞു. ജനങ്ങള് ജാഗ്രത പാലിക്കണമെന്നും അദ്ദേഹം അഭ്യര്ത്ഥിച്ചു.
ഔദ്യോഗിക കണക്കുകള് പ്രകാരം ശനിയാഴ്ച വരെ സിക്കീമില് 357 കോവിഡ് കേസുകളാണ് റിപ്പോര്ട്ട് ചെയ്തിട്ടുള്ളത്. ചൈന, ഭൂട്ടാന് എന്നിവിടങ്ങളുമായി അതിര്ത്തി പങ്കിടുന്നതിനാല് തന്നെ സിക്കീമില് കര്ശന നിയന്ത്രണങ്ങളാണ് ഏര്പ്പെടുത്തിയിരുന്നത്. ഒക്ടോബര് വരെ സംസ്ഥാനത്തിന് പുറത്ത് നിന്നുള്ളവര്ക്ക് പ്രവേശനം നിര്ത്തിവെച്ചിട്ടുണ്ട്.
