തിരുവനന്തപുരം : സില്വര് ലൈന് പദ്ധതിക്ക് കേന്ദ്രാനുമതി ഉണ്ടെന്ന് ആവര്ത്തിച്ച് ധനമന്ത്രി കെ എന് ബാലഗോപാല്. 2019 ഡിസംബറില് തത്വത്തില് അനുമതി ലഭിച്ചുവെന്ന് മന്ത്രി വ്യക്തമാക്കി. കേന്ദ്രധനമന്ത്രിയുടെ കത്തുകളുമായാണ് കെ പി സി സി അദ്ധ്യക്ഷന് കെ സുധാകരന് മറുപടി നല്കിയത്. തത്വത്തില് അംഗീകാരമില്ലാതെ ഇത്രയും വലിയ പദ്ധതിയുമായി മുന്നോട്ടുപോകാനാകില്ല. പാര്ലമെന്റില് നിന്ന് ഉണ്ടായത് സാധാരണ മറുപടിയാണെന്നും മന്ത്രി വ്യക്തമാക്കി.
പ്രതിപക്ഷത്തെ ഉത്തരവാദിത്തപ്പെട്ട നേതാക്കള് തെറ്റിദ്ധാരണ പരത്തരുതെന്നും അദ്ദേഹം കൂട്ടിച്ചേര്ത്തു.’വന്ദേഭാരതില്’ ബി ജെ പി നേതാക്കള്ക്കുള്ള സംശയം കോണ്ഗ്രസ് നേതാക്കള്ക്ക് ഇല്ലാത്തത് വൈരുദ്ധ്യമാണെന്നും ധനമന്ത്രി മാദ്ധ്യമങ്ങളോട് പറഞ്ഞു. സില്വര് ലൈന് പദ്ധതിക്ക് കേന്ദ്ര സര്ക്കാര് പച്ചക്കൊടി കാണിച്ചിട്ടില്ലെന്നും ധനമന്ത്രി ജനങ്ങളെ തെറ്റിദ്ധരിപ്പിക്കുകയാണെന്നും സുധാകരന് വിമര്ശിച്ചിരുന്നു.
