34.1 C
Pathanāmthitta
Thursday, January 27, 2022 3:00 pm
- Advertisment -

സില്‍വര്‍ ലൈന്‍ പദ്ധതി കല്ലിടല്‍ ഹൈക്കോടതി തടഞ്ഞു

കൊച്ചി : സില്‍വര്‍ ലൈന്‍ പദ്ധതി കല്ലിടല്‍ ഹൈക്കോടതി തടഞ്ഞു.സില്‍വര്‍ലൈന്‍ പദ്ധതി വെല്ലുവിളിച്ച് നടത്താനാകില്ലെന്ന് ഹൈക്കോടതി. ജനങ്ങളെ ഭീഷണിപ്പെടുത്തിയല്ല പദ്ധതി നടത്തേണ്ടത്. വീടുകളിലേക്കുള്ള പ്രവേശനം പോലും തടഞ്ഞ് കല്ലുകള്‍ സ്ഥാപിക്കുന്നത് അനുവദിക്കാനാകില്ല. സര്‍വേ നിയമപ്രകാരം സര്‍വേ നടത്തുന്നതിന് എതിരല്ലെന്നും ജസ്റ്റിസ് ദേവന്‍ രാമചന്ദ്രന്‍. സില്‍വര്‍ലൈനില്‍ കേന്ദ്ര സര്‍ക്കാര്‍ നിലപാടിനെ കുറിച്ച് വ്യക്തതയില്ലെന്നും ഹൈക്കോടതി വ്യക്തമാക്കി. അതേസമയം പദ്ധതിക്കുള്ള സ്ഥലമെടുപ്പുമായി മുന്നോട്ടുപോകാന്‍ കേന്ദ്രാനുമതി ഉണ്ടെന്ന് മുഖ്യമന്ത്രി പിണറായി വിജയന്‍ മാസികയില്‍ എഴുതിയ ലേഖനത്തില്‍ വ്യക്തമാക്കിയിരുന്നു. ഇതിനെ തുടര്‍ന്ന് കെ റെയില്‍ പ്രചാരണത്തിന് സര്‍ക്കാര്‍ തയാറെടുക്കുന്ന സമായത്താണ് ഹൈക്കോടതി ഇങ്ങനെ ഒരു നിര്‍ദ്ദേശം പുറപ്പെടുവിച്ചത്.

കെ-റെയില്‍ പ്രചരണത്തിനായി കൈ പുസ്തകം തയ്യാറാക്കി ആളുകളിലെത്തിക്കാനാണ് പാര്‍ട്ടിയുടെ ശ്രമം. പൗര പ്രമുഖരുമായുള്ള ചര്‍ച്ചയ്ക്കും പൊതു യോഗങ്ങള്‍ക്കും ശേഷമാണ് ഇത്തരത്തിലുള്ള പ്രചാരണ പരിപാടിക്ക് ഒരുങ്ങുന്നത്. ഇതിനായി 50 ലക്ഷം കൈപ്പുസ്തകമാണ് സര്‍ക്കാര്‍ തയാറാക്കുന്നത്. ഇതിനായി സര്‍ക്കാര്‍ ടെണ്ടര്‍ വിളിക്കുകയും ചെയ്തു. ബോധവത്കരണത്തിനായി ലഘുലേഖകളും തയാറാക്കും. നേരത്തെ പദ്ധതിയെക്കുറിച്ച് വിശദീകരിക്കാന്‍ മുഖ്യമന്ത്രി തന്നെ നേരിട്ട് ഇറങ്ങിയിരുന്നു. പൗര പ്രമുഖരുടെ യോഗം വിളിച്ചു. പൊതുയോഗങ്ങള്‍ ജില്ലകളില്‍ വിളിച്ച് പദ്ധതിയെക്കുറിച്ച് വിശദീകരണം നടത്തി. എതിര്‍പ്പു കണ്ട് പദ്ധതി ഉപേക്ഷിക്കില്ലെന്ന് മുഖ്യമന്ത്രി വ്യക്തമാക്കുകയും ചെയ്തു. ഇതിനെതിരെ പ്രതിപക്ഷം ശക്തമായിരംഗത്തെത്തിയിരുന്നു.

- Advertisment -
Advertisment
Advertisment
- Advertisment -
- Advertisment -

Most Popular