തിരുവനന്തപുരം : സില്വര് ലൈന് വിജ്ഞാപനം പുതുക്കും.കേന്ദ്രസര്ക്കാരിന്റെ എതിർപ്പിനിടെയാണ് സംസ്ഥാനം ചെയ്യാനുള്ള സാങ്കേതിക നടപടികൾ തുടരാൻ കേരളം തീരുമാനിച്ചിരിക്കുന്നത്. 9 ജില്ലകളിലെ സർവേക്കുള്ള കാലാവധി തീർന്നു. തൃശ്ശൂര്, മലപ്പുറം ജില്ലകളിലെ കാലാവധി ജൂലൈ 30 നാണ് തീരുന്നത്. ഒരു ജില്ലയിലും നൂറു ശതമാനം സർവേ തീർന്നിട്ടില്ല. നിലവിലെ വിഞാപനം റദ്ദാക്കണോ ഏജൻസികളെ നില നിർത്തണോ തുടങ്ങിയ കാര്യങ്ങളിൽ ആശയക്കുഴപ്പം ഉണ്ട്. കേന്ദ്രം എതിര്ത്തു നില്ക്കുമ്പോള് വിഞാപനം പുതുക്കിയിട്ട് കാര്യം ഉണ്ടോ എന്ന ആശയ കുഴപ്പത്തിലാണ് സര്ക്കാര്.
നിയമ വകുപ്പുമായി ആലോചിച്ചു തീരുമാനം എടുക്കാനാണ് റവന്യു വകുപ്പ് നീക്കം. അതിനിടെ, ബിജെപി കെ റെയിലിന് ബദല് സാധ്യതകള് തേടിയിട്ടുണ്ട്. ബദല് ആവശ്യമുന്നയിച്ച് കേന്ദ്ര റെയില്വെ മന്ത്രിയുമായി കേരളത്തിലെ ബിജെപി നേതാക്കള് കൂടിക്കാഴ്ച നടത്തി.
