പത്തനംതിട്ട : തിരുവനന്തപുരം – കാസര്കോട് അര്ധ അതിവേഗ റെയില്വേ പദ്ധതിയെക്കുറിച്ചു പൊതുജനങ്ങളുടെ സംശയങ്ങളും ആശങ്കകളും പരിഹരിക്കുന്നതിന് ഓണ്ലൈനില് ജനസമക്ഷം സില്വര്ലൈന് പരിപാടി സംഘടിപ്പിക്കുന്നു. ജില്ലാ തല ജനസമക്ഷം സില്വര്ലൈന് പരിപാടിയുടെ തുടര്ച്ച എന്ന നിലയിലാണ് മുഴുവന് ജനങ്ങളേയും പങ്കെടുപ്പിച്ചു കൊണ്ട് കെ – റെയില് ഓണ്ലൈനില് ഈ പരിപാടി സംഘടിപ്പിക്കുന്നത്. പദ്ധതിയെക്കുറിച്ചു സംശയങ്ങളും ആശങ്കകളും കെറെയില് അധികൃതരെ ജനങ്ങള്ക്ക് നേരിട്ട് അറിയിക്കാം. വെബ്സൈറ്റ്, ഇ – മെയില് എന്നിവ വഴി ഏതൊരാള്ക്കും സംശയങ്ങളും ചോദ്യങ്ങളും ഉന്നയിക്കാം. ചോദ്യങ്ങള് ക്രോഡീകരിച്ചശേഷം കെ – റെയില് അധികൃതര് ഓണ്ലൈനില് ലൈവായി മറുപടി നല്കും. സംശയങ്ങളും ആശങ്കകളും അയക്കേണ്ട ഇ-മെയില് : [email protected] വെബ്സൈറ്റ് : https://keralarail.com/janasamaksham
