സിംഗപ്പൂര് സിറ്റി: കോവിഡ് 19 മരണം സിംഗപ്പൂരിലും. കോവിഡ് ബാധിച്ച് ഇന്ന് രണ്ടു മരണമാണ് സിംഗപ്പൂരില് റിപ്പോര്ട്ട് ചെയ്തിരിക്കുന്നത്. 75 വയസുകാരിയായ വൃദ്ധയും 64 വയസുകാരനായ വയോധികനുമാണ് മരിച്ചതെന്ന് സിംഗപ്പൂര് ആരോഗ്യമന്ത്രാലയം അറിയിച്ചു. ഇരുവര്ക്കും ഹൃദയസംബന്ധമായ അസുഖങ്ങളുണ്ടായിരുന്നു.
ഇന്തോനേഷ്യയില് നിന്നും രോഗം പിടിപെട്ട വയോധികന് ന്യൂമോണിയയും പിടിപെട്ടിരുന്നുവെന്ന് ആരോഗ്യമന്ത്രാലയം സ്ഥിരീകരിച്ചു. 385 പേര്ക്കാണ് രോഗം ഇതുവരെ പിടിപെട്ടത്. ഇതില് 131 പേര് രോഗമുക്തരായി. കോവിഡിനെ ഫലപ്രദമായി നേരിട്ട രാജ്യങ്ങളില് ഒന്നാണ് സിംഗപ്പൂര്. രോഗവ്യാപനം തടയാന് സര്ക്കാര് സ്വീകരിച്ച നടപടികളെ ലോകാരോഗ്യ സംഘടന പ്രശംസിച്ചിരുന്നു.
