ന്യൂഡൽഹി : കാബൂളിൽ അകപ്പെട്ട മലയാളിയായ സിസ്റ്റർ തെരേസ ക്രിസ്റ്റ ഇന്ത്യയിലേക്ക്. സിസ്റ്റർ തെരേസ കാബൂൾ വിമാനത്താവളത്തിൽ എത്തിയതായി സഹോദരൻ ജോൺ ക്രിസ്റ്റ പറഞ്ഞു. വിമാനത്താവളത്തിലെ തിരക്കുകാരണം അകത്തേയ്ക്ക് കയറാൻ സാധിച്ചിട്ടില്ലെന്ന് തെരേസ അറിയിച്ചതായും ജോൺ പറഞ്ഞു.
കഴിഞ്ഞ 17ന് നാട്ടിലേക്കു മടങ്ങാനാണ് ബേള പെരിയടുക്ക സ്വദേശിയായ സിസ്റ്റർ തെരേസ ടിക്കറ്റ് എടുത്തിരുന്നത്. എന്നാൽ 15നു തന്നെ കാബൂൾ താലിബാന്റെ നിയന്ത്രണത്തിൽ ആയതോടെ പുറത്തിറങ്ങാനാകാതെ സ്ഥാപനത്തിൽ അകപ്പെടുകയായിരുന്നു. ഇവർ താമസിക്കുന്ന സ്ഥലത്തു നിന്ന് 20 കിലോമീറ്റർ അകലെയാണ് വിമാനത്താവളം. ഇതിനിടയിൽ താലിബാന്റെ ചെക് പോസ്റ്റുകളുണ്ട്.
