കൊച്ചി : മുഖ്യമന്ത്രി പിണറായി വിജയന് അവതരിപ്പിച്ച നവകേരള രേഖയെ പിന്തുണച്ച് സിപിഎം ജനറല് സെക്രട്ടറി സീതാറാം യെച്ചൂരി. വിദ്യാഭ്യാസ മേഖലയിലെ സ്വകാര്യ നിക്ഷേപത്തെ കേരളത്തിന് മാത്രമായി ചെറുക്കാനാകില്ല. സ്വകാര്യ വ്യവസായ പാര്ക്കുകള് അടക്കമുള്ള കാര്യത്തില് രാജ്യത്തെ നിയമം അനുസരിച്ചുള്ള തീരുമാനങ്ങളാണ് പാര്ട്ടി എടുക്കുന്നതെന്നും യെച്ചൂരി പറഞ്ഞു.
സിപിഎം സംസ്ഥാന സമ്മേളനത്തില്വി എസ് അച്യുതാനന്ദനെ മിസ് ചെയ്യുന്നുണ്ടെന്നും യെച്ചൂരി പറഞ്ഞു. വി എസ് പ്രചോദനമാണ്. വി എസിനെ കാണാന് ശ്രമിക്കുമെന്നും അദ്ദേഹം പറഞ്ഞു. കെ റെയില്, സ്വകാര്യ മേഖലയിലെ വ്യവസായ പാര്ക്കുകള് തുടങ്ങിയ വിഷയങ്ങളില് സംസ്ഥാനത്തിന്റെ താല്പര്യങ്ങള് മുന്നിര്ത്തിയും രാജ്യത്തെ നിയമങ്ങള് അനുസരിച്ചുമാണ് എല്ഡിഎഫ് സര്ക്കാര് പ്രവര്ത്തിക്കുന്നത്.
കോണ്ഗ്രസ് ദുര്ബലമായി വരുന്ന സാഹചര്യത്തില് ബിജെപിയെ ചെറുക്കാന് ഇടതുനിര ശക്തിപ്പെടണം. എന്നാല് കോണ്ഗ്രസുമായി സഹകരിക്കുന്ന കാര്യത്തില് തിരഞ്ഞെടുപ്പുകള്ക്ക് ശേഷം മാത്രമായിരിക്കും തീരുമാനമെന്നും യെച്ചൂരി വ്യക്തമാക്കി. നാറ്റോ നിലപാട് റഷ്യയ്ക്ക് ഭീഷണി ഉയര്ത്തുന്നുണ്ടെങ്കിലും ഇപ്പോള് നടത്തുന്ന യുദ്ധം റഷ്യ ഉടന് അവസാനിപ്പിക്കണമെന്നും യെച്ചൂരി ആവശ്യപ്പെട്ടു. നയതന്ത്ര ചര്ച്ചകളിലൂടെ പരിഹാരം വേണം. ഇന്ത്യക്കാരെ സുരക്ഷിതരായി തിരികെയെത്തിക്കാന് കേന്ദ്ര സര്ക്കാര് മുന്കൈയെടുക്കണമെന്നും യെച്ചൂരി ആവശ്യപ്പെട്ടു.
