ശിവഗിരി : ഗുരുഭക്തിയുടെ നിറവില് 89-ാമത് ശിവഗിരി തീര്ഥാടനം തുടങ്ങി. വ്യാഴാഴ്ച രാവിലെ ശ്രീനാരായണ ധര്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ ധര്മപതാക ഉയര്ത്തിയതോടെയാണ് മൂന്നുദിവസത്തെ തീര്ഥാടനം ആരംഭിച്ചത്. മഹാസമാധിയില് പ്രണാമമര്പ്പിച്ച ശേഷമാണ് മുഖ്യമന്ത്രി പിണറായി വിജയന് സമ്മേളനത്തിന് എത്തിയത്. വൈകിട്ട് ബ്രഹ്മവിദ്യാലയ കനകജൂബിലി സമ്മേളനം ഗവര്ണര് ആരിഫ് മുഹമ്മദ്ഖാന് ഉദ്ഘാടനംചെയ്തു. ഔദ്യോഗിക പദയാത്രകളെല്ലാം ബുധനാഴ്ച രാത്രിയോടെ ശിവഗിരിയില് എത്തി. വിവിധ ശ്രീനാരായണ പ്രസ്ഥാനങ്ങളുടെ നേതൃത്വത്തിലുള്ള പദയാത്രകള് വ്യാഴാഴ്ച എത്തിച്ചേര്ന്നു. വെള്ളിയാഴ്ച പുലര്ച്ചെ തീര്ഥാടക ഘോഷയാത്രയില് പങ്കെടുത്താണ് ഇവര് മടങ്ങുന്നത്. മഹാസമാധി, ശാരദാമഠം, വൈദികമഠം എന്നിവിടങ്ങളില് തീര്ഥാടകരുടെ തിരക്കുണ്ടായി. മഹാഗുരുപൂജയ്ക്കും തിരക്കനുഭവപ്പെട്ടു
