തിരുവനന്തപുരം : കൊവിഡ് വ്യാപനത്തെ തുടര്ന്ന് കഴിഞ്ഞ രണ്ട് വര്ഷമായി നിര്ത്തിവച്ചിരുന്ന സ്കൂള് യുവജനോത്സവവും കായികമേളയും ഈ വര്ഷം നടത്താന് തീരുമാനിച്ചതായി പൊതുവിദ്യാഭ്യാസ മന്ത്രി വി.ശിവന് കുട്ടി അറിയിച്ചു. നെയ്യാറ്റിന്കര ഗവണ്മെന്റ് ഗേള്സ് ഹയര്സെക്കന്ഡറി സ്കൂളില് നിര്മ്മിച്ച പുതിയ കെട്ടിടത്തിന്റെയും ഫെസ്റ്റിവല് ഓഫ് എക്സലന്സിന്റെയും ഉദ്ഘാടനം നിര്വഹിച്ച് സംസാരിക്കുകയായിരുന്നു മന്ത്രി. പത്താം ക്ലാസിലും പ്ലസ് ടുവിലും ഫുള് എ പ്ലസ് നേടിയ വിദ്യാര്ത്ഥികളെയും മന്ത്രി അഭിനന്ദിച്ചു.
