മുംബൈ : ശിവസേന എം.എല്.എ രമേശ് ലാട്കെ (52) ദുബൈയില് ഹൃദയാഘാതത്തെ തുടര്ന്ന് മരിച്ചു. അവധിക്കാലം ആഘോഷിക്കാന് കുടുംബത്തോടപ്പം ദുബൈയില് എത്തിയതായിരുന്നു അദ്ദേഹം. മുംബൈയിലെ അന്ധേരി ഈസ്റ്റ് അസംബ്ലി മണ്ഡലത്തില് നിന്ന് രണ്ടുതവണ നിയമസഭാംഗമായ ലാട്കെ മുന്പ് ബ്രിഹന് മുംബൈ മുന്സിപ്പല് കോര്പ്പറേഷനിലെ കോര്പറേറ്ററായിരുന്നു.
കോവിഡ് കാലത്തെ അദ്ദേഹത്തിന്റെ അര്പ്പണബോധത്തോടെയുള്ള പ്രവര്ത്തനത്തെക്കുറിച്ചും മണ്ഡലത്തിലെ ജനങ്ങളുമായുള്ള ബന്ധത്തെക്കുറിച്ചും ശിവസേന വക്താവ് പ്രയങ്ക ചൗധരി ട്വീറ്റ് ചെയ്തു. രമേശ് ലാട്കെയുടെ മരണവാര്ത്ത ഞെട്ടലോടെയാണ് കേട്ടതെന്നും വിശ്വസിക്കാന് കഴിയുന്നില്ലെന്നും ബി.ജെ.പി എം.എല്.എ രമേശ് റാനെയും ട്വീറ്റ് ചെയ്തു.