കല്പ്പറ്റ: വയനാട് എംപി രാഹുല് ഗാന്ധിയെ പരിഹസിച്ച് കേന്ദ്രമന്ത്രി സ്മൃതി ഇറാനി. അമേഠിയില്നിന്ന് താന് എവിടേക്കും ഓടിപ്പോകില്ലെന്നും വയനാട്ടില് മത്സരിക്കാന് താന് രാഹുല് ഗാന്ധിയല്ലെന്നുമാണ് സമൃതിയുടെ പരിഹാസം. രാഹുല് ഗാന്ധി എംപിയായ വയനാട്ടില് അടുത്ത തെരഞ്ഞെടുപ്പില് മത്സരിക്കുമോയെന്ന മാധ്യമപ്രവര്ത്തകന്റെ ചോദ്യത്തിന് മറുപടി പറയുകയായിരുന്നു സ്മൃതി.
വയനാട് ജില്ലയിലെ പ്രശ്നങ്ങള് കേന്ദ്രമന്ത്രി നേരിട്ട് കണ്ട് വിലയിരുത്തി . വയനാട് ജില്ല നിരവധി പ്രശ്നങ്ങള് നേരിടുന്നുണ്ട്. പതിനായിരത്തോളം കര്ഷകര്ക്ക് കിസാന് ക്രെഡിറ്റ് കാര്ഡ് ഇല്ല. രാഹുല് ഗാന്ധി ജനങ്ങളുടെ പ്രശ്നങ്ങള് മനസിലാക്കി ഉത്തരവാദിത്വം നിര്വഹിക്കുന്നില്ലെന്നും സ്മൃതി ആരോപിച്ചു.
