പത്തനംതിട്ട : പാമ്പുകളെ ശാസ്ത്രീയവും സുരക്ഷിതവുമായ രീതിയില് പിടികൂടുകയും ജില്ലയില് പാമ്പ് രക്ഷാപ്രവര്ത്തനം കൂടുതല് കാര്യക്ഷമമാക്കുകയും വിപുലീകരിക്കുകയും ചെയ്യുന്നതിനായി പത്തനംതിട്ട ജില്ലയില് പ്രവര്ത്തിക്കുന്ന സര്പ്പ വോളണ്ടിയര്മാര്ക്ക് സ്നേക്ക് റസ്ക്യൂ കിറ്റുകള് വിതരണം ചെയ്തു. ജില്ലാ സോഷ്യല് ഫോറസ്ട്രി വിഭാഗത്തിന്റെ നേതൃത്വത്തില് നടന്ന പരിപാടിയില് അസിസ്റ്റന്റ് ഫോറസ്റ്റ് കണ്സര്വേറ്റര് ബി.രാഹുല് കിറ്റ് വിതരണം നടത്തി. സര്പ്പ ജില്ലാ നോഡല് ഓഫീസറും പത്തനംതിട്ട സോഷ്യല് ഫോറസ്ട്രി റെയ്ഞ്ച് ഓഫീസറുമായ മുഹമ്മദ് സ്വബീര് ജെ, ഡെപ്യൂട്ടി റെയ്ഞ്ച് ഓഫീസര് മനോജ്, എസ്.എഫ്. ഓമാരായ സനോജ്, പ്രമോദ് എസ്.സി എന്നിവര് പങ്കെടുത്തു. പാമ്പുകളുടെ സാന്നിധ്യം കൂടുതലുള്ള നിലവിലെ സാഹചര്യത്തില് പരിശീലനം നേടിയ സര്പ്പ വാളണ്ടിയര്മാരുടെ സേവനം അത്യന്തം നിര്ണ്ണായകമാണെന്നും ഭാവിയിലും ഇത്തരം പ്രവര്ത്തനങ്ങള് ശക്തിപ്പെടുത്തുമെന്നും ഉദ്യോഗസ്ഥര് അറിയിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
