കോന്നി: എസ്.എൻ.ഡി.പി യോഗം 4772 നമ്പർ മ്ലാന്തടം ശാഖയിലെ ഗുരുമുരുക ക്ഷേത്രത്തിലെ പ്രതിഷ്ഠാ വാർഷികവും തൈപ്പൂയ ഉത്സവവും നടന്നു. ഉത്സവത്തോട് അനുബന്ധിച്ച് നടന്ന ചികിത്സ ധനസഹായ വിതരണം കെ യു ജനീഷ് കുമാർ എം.എൽ.എ ഉദ്ഘാടനം ചെയ്തു. എസ്.എൻ.ഡി.പി യോഗം അസിസ്റ്റന്റ് സെക്രട്ടറി ടി പി സുന്ദരേശൻ യോഗത്തിൽ അധ്യക്ഷത വഹിച്ചു. വിവിധ രംഗങ്ങളിലെ പ്രതിഭകളെയും ക്ഷേത്രത്തിലേക്ക് വിവിധ ഇനങ്ങളിൽ സ്പോൺസർഷിപ്പ് നൽകിയവരെയും എസ്എൻഡിപി യോഗം പത്തനംതിട്ട യൂണിയൻ പ്രസിഡണ്ട് കെ പത്മകുമാർ ആദരിച്ചു.
കെ ജി മോഹനചന്ദ്രൻ, റോയി ബി പണിക്കർ, കെ ആർ ജിനൻ, പ്രശാന്ത് കുമാർ, സാബുരാജ്, അജികുമാർ, ബിനീഷ് വിലാസിനി ഗംഗാധരൻ, സ്മിത മനോഷ്, പ്രീതി സന്തോഷ്, ശോഭാ വിനോദ് എന്നിവർ സംസാരിച്ചു. ക്ഷേത്ര ചടങ്ങുകൾക്ക് ശിവഗിരി മഠത്തിലെ താന്ത്രിക ആചാര്യൻ സ്വാമി ശിവനാരായണ തീർഥ, ശാന്തി മദുസൂദനൻ പോറ്റി എന്നിവർ മുഖ്യ കാർമികത്വം വഹിച്ചു.
