കോന്നി : സംസ്ഥാന പെതുവിദ്യാഭ്യാസ വകുപ്പിൻ്റെയും വിദ്യാഭ്യാസ ഗവേഷണ പരിശീലന വിഭാഗത്തിൻ്റെയും സംയുക്താഭിമുഖ്യത്തില് നടത്തിവരുന്ന സാമൂഹ്യശാസ്ത്ര പ്രതിഭാപരിപോഷണ പരിപാടി കോന്നി റിപ്പബ്ലിക്കൻ വൊക്കേഷണൽ ഹയർ സെക്കൻ്ററി സ്കൂളിൽ സംഘടിപ്പിച്ചു. ആറാം ക്ലാസിൽ പഠിക്കുന്ന കുട്ടികൾക്കുവേണ്ടി നടത്തുന്ന പരീക്ഷ ‘സ്റ്റെപ്സ് ‘ എന്ന പേരിലാണ് അറിയപ്പെടുന്നത്. സാമൂഹ്യശാസ്ത്രം എന്ന വിഷയത്തെ കൂടുതൽ ജനകീയമാക്കുകവഴി കുട്ടികളിൽ സാമൂഹിക പ്രതിബദ്ധതയും മൂല്യങ്ങളും മനോഭാവങ്ങളും വളർത്തി ഒരു പുതുതലമുറയുടെ സൃഷ്ടി സാധ്യമാക്കുക എന്നതാണ് പരിപാടിയുടെ ലക്ഷ്യം.
സ്കൂളിലെ ആറാം ക്ലാസ് വിദ്യാർത്ഥികൾക്ക് പരീക്ഷ സംബന്ധിച്ചുള്ള നിർദ്ദേശങ്ങൾ മുൻകൂട്ടി നൽകുകയും ആവശ്യമായ മുന്നൊരുക്കങ്ങൾ നടത്തുകയും ചെയ്തു. ആറാം ക്ലാസ് വിദ്യാർത്ഥികളായ ഏബൽ ജിജി ജോർജ് , കേശവ് എ. , സനീഷ് എസ്. എന്നിവർ വിജയികളാകുകയും , ഉപജില്ലാ മത്സരത്തിലേക്ക് തെരഞ്ഞെടുക്കപ്പെടുകയും ചെയ്തു. പരിപാടിയുടെ ഉദ്ഘാടനം സ്കൂൾ ഹെഡ്മാസ്റ്റർ ശ്രീകുമാർ ആർ നിർവ്വഹിച്ചു. സാമൂഹ്യശാസ്ത്രം സ്റ്റേറ്റ് റിസോഴ്സ് പേഴ്സൺ പ്രമോദ് കുമാർ മത്സരം നയിച്ചു. അധ്യാപികമാരായ സുധർമ്മ എൽ., ശ്രീജ ബി. എന്നിവർ പങ്കെടുത്തു.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.
