കൊച്ചി: റെയില്പ്പാതയില് അറ്റകുറ്റപ്പണി നടക്കുന്നതിനാല് ചില ട്രെയിനുകള് ചില സ്റ്റോപ്പുകള് ഒഴിവാക്കും. വിജയവാഡ – ഗുഡൂര് റെയില്പ്പാതയിലാണ് അറ്റകുറ്റപ്പണി നടക്കുന്നത്. അതിനാല് ചില ട്രെയിനുകള് ഗുണ്ടൂര്, സത്തേനപ്പള്ളി, പിഡുഗുരല്ല, നദിക്കുടി, മിരിയാലഗുഡ, നല്ഗൊണ്ട സ്റ്റോപ്പുകള് ഒഴിവാക്കും. ഹൈദരാബാദ്- കൊല്ലം ജങ്ഷന് സ്പെഷ്യല് എക്സ്പ്രസ്സ് (07193), കൊല്ലം ജങ്ഷന് – ഹൈദരാബാദ് സ്പെഷ്യല് എക്സ്പ്രസ്സ് (07194) ട്രെയിനുകള് ആഗസ്ത് 9, 11, 16, 18 ദിവസങ്ങളിലും തിരുവനന്തപുരം സെന്ട്രല് – സെക്കന്തരാബാദ് ശബരി എക്സ്പ്രസ്സ് (17229), സെക്കന്തരാബാദ് – തിരുവനന്തപുരം സെന്ട്രല് ശബരി എക്സ്പ്രസ്സ് (17230) എന്നിവ 17, 18 ദിവസങ്ങളിലുമാണ് സ്റ്റോപ്പുകള് ഒഴിവാക്കിയോടുക. അതേസമയം ആലപ്പുഴ വഴി ശനിയാഴ്ച മുതൽ വഴിതിരിച്ചുവിടുമെന്ന് അറിയിച്ച ട്രെയിനുകൾ സാധാരണ ഷെഡ്യൂൾ പ്രകാരം സർവീസ് നടത്തുമെന്ന് റെയിൽവേ അറിയിച്ചു.
ട്രെയിനുകൾ ഇവയൊക്കെ
തിരുവനന്തപുരം സെൻട്രൽ – ഡോ. എംജിആർ ചെന്നൈ സെൻട്രൽ സൂപ്പർഫാസ്റ്റ് എക്സ്പ്രസ്സ് (12624)
തിരുവനന്തപുരം നോർത്ത് – ശ്രീ ഗംഗാനഗർ എക്സ്പ്രസ്സ് (16312)
തിരുവനന്തപുരം നോർത്ത് – എസ്എംവിടി ബംഗളൂരു ഹംസഫർ എക്സ്പ്രസ്സ് (16319)
കന്യാകുമാരി – ദിബ്രുഗർ വിവേക് എക്സ്പ്രസ്സ്(22503)
തിരുവനന്തപുരം സെൻട്രൽ – മധുരെ അമൃത എക്സ്പ്രസ്സ് (16343)
തിരുവനന്തപുരം – മംഗളൂരു (16347)
മധുരെ ഗുരുവായൂർ എക്സ്പ്രസ്സ് (16327)
ഗുരുവായൂർ – മധുരെ എക്സ്പ്രസ്സ് (16328)
നാഗർകോവിൽ – കോട്ടയം എക്സ്പ്രസ്സ് (16366)
ഡോ. എംജിആർ ചെന്നൈ സെൻട്രൽ – തിരുവനന്തപുരം സെൻട്രൽ സൂപ്പർഫാസ്റ്റ് എക്സ്പ്രസ്സ് (12695)
തിരുവനന്തപുരം – ഡോ. എംജിആർ ചെന്നൈ സെൻട്രൽ സൂപ്പർഫാസ്റ്റ് എക്സ്പ്രസ്സ് (12696)
