പെന്സില്വേനിയ : അച്ഛനെ ക്രൂരമായി കൊലപ്പെടുത്തി തല ഫ്രിഡ്ജില് സൂക്ഷിച്ച് മകന്. പെന്സില്വേനിയയിലെ ലന്കാസ്റ്ററില് കഴിഞ്ഞ ദിവസമാണ് അതിഭീകരമായ കൊലപാതകം നടന്നത്. ബുധനാഴ്ച രാവിലെ 8.50 ന് വെസ്റ്റ് സ്ട്രൊബറി സ്ട്രീറ്റിലെ ഒരു വീട്ടില് നിന്നും പോലീസിന് വന്ന ഫോണ് കോളാണ് സംഭവം പുറലോകത്തെ അറിയിച്ചത്.
പോലീസ് സ്ഥലത്തെത്തി പ്രതിയേയും കൂട്ടി ഫ്രീസര് പരിശോധിച്ചപ്പോള് ഒരു പ്ലേറ്റില് തല, ശരീരഭാഗങ്ങള് അറുത്തുമാറ്റി ഉടല് മാത്രം കിടക്കയില് കണ്ടെത്തുകയായിരുന്നു. ചൊവ്വാഴ്ചയാണ് പിതാവിനെ കത്തി ഉപയോഗിച്ചു കുത്തി കൊലപ്പെടുത്തി വാള്കൊണ്ടു ഉടല് ഒഴികെ എല്ലാം അറുത്തു മാറ്റിയതെന്ന് മകന് സമ്മതിച്ചതായി പോലീസ് റിപ്പോര്ട്ടില് പറയുന്നുണ്ട്. 67 കാരനായ പിതാവ് ഡൊണാള്ഡ് മെഷിയെ 32 കാരനായ ഡൊണാള്ഡ് മെഷി ജൂനിയര് ആണ് ക്രൂരമായി കൊലപ്പെടുത്തിയത്. സംഭവത്തില് മകനെ പോലീസ് അറസ്റ്റ് ചെയ്തു.
