പെരുനാട് : ടെന്ഡര് നടപടികള് പൂര്ത്തിയാക്കാതെ നാല് ലക്ഷം രൂപയുടെ നിര്മ്മാണ പ്രവര്ത്തനങ്ങള് നടത്തിയ പെരുനാട് പഞ്ചായത്ത് ഭരണസമിതിയുടെ അഴിമതിക്കെതിരെ ബിജെപി പ്രതിഷേധ ധര്ണ്ണ നടത്തി. പ്രതിഷേധ സമരം ബിജെപി മണ്ഡലം വൈസ് പ്രസിഡന്റ് മഞ്ജുള ഹരി ഉദ്ഘാടനം ചെയ്തു.
റാന്നി പെരുനാട് ഗ്രാമപഞ്ചായത്തിലാണ് പ്രസിഡണ്ടിന്റിന്റെ നേതൃത്വത്തില് പഞ്ചായത്ത് രാജ് ചട്ടങ്ങളും ടെന്ഡര് നടപടികളും പാലിക്കാതെ ലക്ഷങ്ങളുടെ നിര്മ്മാണ പ്രവര്ത്തനങ്ങള് നടത്തിയത്. കോവിഡ് പ്രതിരോധത്തിന്റെ പേരില് മഹാമാരിയില് വലയുന്ന സാധാരണ ജനങ്ങളില് നിന്നും പണപ്പിരിവ് നടത്തിയ ഭരണ സമിതിയാണ് അനാവശ്യ നിര്മ്മാണ പ്രവര്ത്തനങ്ങള് ചട്ടവിരുദ്ധമായി നടത്തുന്നത്. ഇത് ലക്ഷങ്ങളുടെ അഴിമതി നടത്താനുള്ള ശ്രമമാണെന്നും ഇതിനെ നിയമപരമായും ജനകീയ സമരങ്ങളിലൂടെയും പ്രതിരോധിക്കുമെന്ന് ബിജെപി മണ്ഡലം വൈസ് പ്രസിഡന്റ് മഞ്ജുള ഹരി പറഞ്ഞു.
ബിജെപി പെരുനാട് പഞ്ചായത്ത് പ്രസിഡന്റ് മനീഷ് പെരുനാട് അധ്യക്ഷത വഹിച്ചു. അംഗങ്ങളായ അരുണ് അനിരുദ്ധന്, ശ്യാരി ടി എസ്, ബിജെപി പഞ്ചായത്ത് കമ്മറ്റി നേതാക്കളായ രാജു പോത്തങ്ങാനത്ത്, ബി മോഹനന്, സിജു മാടമണ് , സാനു ടി എസ്, ഗോപാകുമാര്, അനന്ദു എന്നിവര് പങ്കെടുത്തു.