മുംബൈ : മുംബൈ വിമാനതാവളത്തില് എത്തുന്നവരെ ക്വാറന്റൈനില് പാര്പ്പിക്കും. ദക്ഷിണാഫ്രിക്കയില് കോവിഡിന്റെ പുതിയ വകഭേദമായ ഒമിക്രോൺ കണ്ടെത്തിയ സാഹചര്യത്തിലാണ് മുംബൈ മേയറുടെ തീരുമാനം. യാത്രക്കാരില് പോസിറ്റിവായവരുടെ സംമ്പിളുകള് ജീനോം സീക്വന്സിങ് നടത്തുമെന്നും മേയര് അറിയിച്ചു.
പുതിയ കോവിഡ് വകഭേദത്തിനെ കുറിച്ച് ആശങ്കയുണ്ട്, കോവിഡ് പോസിറ്റിവ് റിപ്പോര്ട്ട് ചെയ്തവരുടെ സാമ്പിളുകള് ജീനോം സീക്വന്സിങ് നടത്തും. മറ്റ് രാജ്യങ്ങളിലേക്കുള്ള വിമാന സര്വീസുകള്ക്ക് യാതൊരു തരത്തിലുള്ള നിരോധനവും ഉണ്ടാകില്ലെന്നും, മുന്കാല അനുഭവങ്ങള് നിന്നാണ് ഇത്തരമൊരു നടപടി സ്വീകരിക്കുന്നതെന്നും മുംബൈ മേയര് കിഷോരി പെഡ്നേകര് പറഞ്ഞു. ദക്ഷിണാഫ്രിക്കയില് നിന്നുള്ള വിമാന സര്വീസുകള്ക്ക് വിവിധ രാജ്യങ്ങള് വിലക്ക് ഏര്പ്പെടുത്തിയിട്ടുണ്ട്.
