ഹൈദരാബാദ് : സൗത്ത് കൊറിയയുടെ പത്ത് ജെറ്റ് വിമാനങ്ങള് പുലര്ച്ചെ ഹൈദരാബാദില്. വിമാനങ്ങളുടെ മുരള്ച്ച കേട്ട് ഭയന്നാണ് ഹൈദരാബാദ് ഇന്ന് ഉണര്ന്നത്. ഫ്ളാറ്റിന്റെ ജനാലയില് കൂടി നോക്കിയവര് മിന്നല് പോലെ പായുന്ന ജെറ്റ് വിമാനങ്ങളെയാണ് കണ്ടത്.
പതിവില്ലാതെ അവരെ ഭയപ്പെടുത്തിയത് ഇന്ത്യന് വ്യോമസേനയുടെ ജെറ്റ് ഫൈറ്ററുകള് ആയിരുന്നില്ല. സൗത്ത് കൊറിയയുടെ യുദ്ധവിമാനങ്ങളായ ബ്ളാക്ക് ഈഗിളുകളായിരുന്നു അവ.
എന്നാല് നഗരവാസികള് ഭയപ്പെട്ടതുപോലെ യുദ്ധത്തിനൊന്നും വന്നവരല്ല അവര്. സാങ്കേതിക തകരാര് കാരണം അടിയന്തരമായി ലാന്ഡ് ചെയ്യേണ്ടിവന്നതാണ്. രണ്ട് മണിക്കൂറോളം ഫൈറ്റര് ജെറ്റുകള് ഹൈദരാബാദിലുണ്ടായിരുന്നു. തുടര്ന്ന് നാഗ്പൂരിലേക്ക് പറന്നെന്ന് ഒരു വ്യോമസേനാ ഉദ്യോഗസ്ഥന് വ്യക്തമാക്കി. 2021ല് ജുനഗഡ്, ഉപലേട്ട എന്നിവിടങ്ങളില് ഇത്തരത്തില് ചില വിമാനങ്ങള് കണ്ടെത്തിയതായി റിപ്പോര്ട്ടുകളുണ്ടായിരുന്നു.
