പത്തനംതിട്ട : പത്തനംതിട്ട ഗവൺമെൻറ് ഹയർ സെക്കൻഡറി സ്കൂളിലെ 2022 – 24 വർഷത്തെ എസ് പി സി ബാച്ചിൻറെ പ്രവേശനോത്സവും വിപുലമായ പരിപാടികളോടെ സ്കൂളിൽ വെച്ച് നടത്തി. സ്കൂൾ പിടിഎ പ്രസിഡൻറ് മുണ്ടുകൊട്ടക്കൽ സുരേന്ദ്രൻറെ അധ്യക്ഷതയിൽ നടന്ന യോഗത്തിൽ പത്തനംതിട്ട നഗരസഭ അധ്യക്ഷൻ അഡ്വ. ടി സക്കിർ ഹുസൈൻ പ്രവേശനോത്സവം ഉദ്ഘാടനം ചെയ്തു. സ്കൂൾപ്രിൻസിപ്പൽ ശോഭ ആന്റോ സ്വാഗതമാശംസിച്ചു.
എസ് പി സി പത്തനംതിട്ടയുടെ എ ഡി എൻ ഓ സുരേഷ് കുമാർ ജി, സ്കൂൾ ഹെഡ്മിസ്ട്രസ് സുമതി കെ, ജോൺ സി പി, എ സി പി അനില അന്ന തോമസ്, എന്നിവർ ആശംസകൾ അർപ്പിച്ചു. മിനി കൃതജ്ഞത അറിയിച്ചു. 2002 ലെ ഹയർ സെക്കൻഡറി പരീക്ഷയിൽ ഉന്നത വിജയം നേടിയ എസ് പി സി കേഡറ്റുകളെ യോഗത്തിൽ അനുമോദിച്ചു.