പത്തനംതിട്ട : സ്റ്റുഡന്റ്സ് പോലീസ് കേഡറ്റ്സ് ( എസ് പി സി ) പദ്ധതിയുടെ ആഭിമുഖ്യത്തിൽ കുട്ടികൾക്ക് മൂന്നുദിവസത്തെ ക്യാമ്പ് തൊട്ടക്കോണം ജി എച്ച് എസ് എസ്സിൽ തുടങ്ങി. ജൂലൈ രണ്ടിന് സമാപിക്കും. ഇന്നുരാവിലെ 10 മണിക്ക് ജില്ലാ പോലീസ് മേധാവിയും എസ് പി സി ജില്ലാതല ഉപദേശക സമിതി ചെയർമാനുമായ സ്വപ്നിൽ മധുകർ മഹാജൻ ഐപിഎസ് ഉദ്ഘാടനം നിർവഹിച്ചു. ‘നവജീവൻ 2022’ എന്ന പേരിലുള്ള ലഹരിവിരുദ്ധ ബോധവൽക്കരണ സൈക്കിൾ റാലി ജില്ലാ പോലീസ് മേധാവി ഫ്ലാഗ് ഓഫ് ചെയ്തു. ക്യാമ്പിന്റെ ഉദ്ഘാടനച്ചടങ്ങിൽ സ്കൂൾ പ്രിൻസിപ്പൽ ഡോ. മായ എൻ സ്വാഗതം പറഞ്ഞു.
പി ടി എ പ്രസിഡന്റ് പി ബാബു അധ്യക്ഷനായിരുന്നു. അഡീഷണൽ എസ് പി ബിജി ജോർജ്ജ് ടി മുഖ്യപ്രഭാഷണം നടത്തിയപ്പോൾ ജില്ലാ നർകോട്ടിക് സെൽ ഡി വൈ എസ് പിയും എസ് പി സി ജില്ലാ നോഡൽ ഓഫീസറുമായ ആർ പ്രദീപ് കുമാർ ലഹരിവിരുദ്ധ സന്ദേശവും നൽകി. അടൂർ ഡി വൈ എസ് പി ആർ ബിനു, പന്തളം പോലീസ് ഇൻസ്പെക്ടർ എസ് ശ്രീകുമാർ, കൗൺസിലർ കെ ആർ വിജയകുമാർ, എസ് പി സി അഡിഷണൽ നോഡൽ ഓഫീസർ എസ് ഐ ജി സുരേഷ് കുമാർ, ശ്രീകുമാർ, ടി എം പ്രമോദ് കുമാർ, ഹെഡ് മാസ്റ്റർ പി ഉദയൻ സാബുജി വർഗീസ് തുടങ്ങിയവർ ആശംസകൾ അർപ്പിച്ചു. രാജിവ് ബി കൃതജ്ഞത പറഞ്ഞു.
