തിരുവനന്തപുരം : 2021-ല്‍ ലോട്ടറി ഏജന്‍സി നിലവിലുള്ളവരും 40 ശതമാനമോ അതിനു മുകളിലോ ഭിന്നശേഷിക്കാരുമായ ലോട്ടറി ഏജന്റുമാര്‍ക്ക് 5000 രൂപ വീതം കേരള സംസ്ഥാന വികലാംഗക്ഷേമ കോര്‍പ്പറേഷന്‍ ധനസഹായം നല്‍കും.
അപേക്ഷകര്‍ക്ക് വാര്‍ഷിക വരുമാനം ഒരു ലക്ഷം രൂപയില്‍ കവിയരുത്. അപേക്ഷാഫോം പൂരിപ്പിച്ച്‌ ആവശ്യമായ രേഖകള്‍ സഹിതം ജൂലായ് 30 നകം മാനേജിങ് ഡയറക്ടര്‍, കേരള സംസ്ഥാന വികലാംഗക്ഷേമ കോര്‍പ്പറേഷന്‍, പൂജപ്പുര, തിരുവനന്തപുരം-695012 എന്ന വിലാസത്തില്‍ നല്‍കണം. അപേക്ഷാഫോം www.hpwc.kerala.gov.in ല്‍ ലഭിക്കും. വിവരങ്ങള്‍ക്ക്: 04712347768, 7152, 7153, 7156.
