തിരുവനന്തപുരം : ഇനി കേരളത്തിലെ വിദ്യാഭ്യാസത്തില് കായികാഭ്യാസത്തിനും പ്രസക്തിയുണ്ടല്ലോയെന്ന് രാഷ്ട്രീയ നിരീക്ഷകന് ശ്രീജിത്ത് പണിക്കര്. വി ശിവന്കുട്ടിയെ പൊതുവിദ്യാഭ്യാസ മന്ത്രിയായി തീരുമാനിച്ചതിനെതിരെയാണ് അദ്ദേഹത്തിന്റെ പോസ്റ്റ്. രണ്ടാം പിണറായി സര്ക്കാരിന്റെ മന്ത്രിസഭയില് ഏറെ പ്രാധാന്യമേറിയ വകുപ്പ് ആയ വിദ്യാഭ്യാസം ശിവന്കുട്ടിക്ക് നല്കിയതിനെതിരെ പലരും രംഗത്തുണ്ട്. നിയമസഭയിലെ കയ്യാങ്കളിയുമായി ബന്ധപ്പെട്ടാണ് ശിവന്കുട്ടിയുടെ മന്ത്രിസ്ഥാനത്തിനെതിരെ വിമര്ശനമുയരുന്നത്.
നേരത്തേ ബിജെപി നേതാവ് എസ് സുരേഷും ശിവന്കുട്ടിക്കെതിരെ രംഗത്ത് വന്നിരുന്നു. ഇനി കേരളത്തിലെ പൊതുവിദ്യാഭ്യാസരംഗം കലക്കുമെന്നു സുരേഷ് വ്യക്തമാക്കി. കേരളത്തിലെ പൊതു വിദ്യാഭ്യാസത്തിന്റെ സുവര്ണ്ണകാലമാണ് ഇനി വരാന് പോകുന്നതെന്നും അദ്ദേഹം പരിഹസിച്ചു.