തിരുവനന്തപുരം : കെ.പി.സി.സി പ്രസിഡന്റായി നിയോഗിക്കപ്പെട്ട കെ സുധാകരനെതിരെ ആരോപണം ഉയര്ത്തിയ സി.പി.എമ്മിനെ പരിഹസിച്ച് രാഷ്ട്രീയ നിരീക്ഷകന് ശ്രീജിത്ത് പണിക്കര് രംഗത്ത്. കെ സുധാകരന് തന്റെ മക്കളെ തട്ടിക്കൊണ്ടുപോകാന് പദ്ധതിയിട്ടിരുന്നതായി അദ്ദേഹത്തിന്റെ തന്നെ ഒരു വിശ്വസ്തന് തന്നോട് വെളിപ്പെടുത്തിയിരുന്നതായി മുഖ്യമന്ത്രി പിണറായി വിജയന് കഴിഞ്ഞ ദിവസം മാധ്യമങ്ങളോട് പറഞ്ഞിരുന്നു. പിണറായി വിജയനെ ചവിട്ടിവീഴ്ത്തി എന്ന കെ സുധാകരന്റെ പരാമര്ശത്തോട് പ്രതികരിക്കവെയാണ് പിണറായി വിജയന് ഇക്കാര്യം പറഞ്ഞത്. ‘ഇന്നത്തെ സായാഹ്ന തള്ളല്. സുധാകരന് തട്ടിക്കൊണ്ടു പോയവരുടെ എണ്ണം 37’ എന്ന പരിഹാസ കുറിപ്പാണ് ശ്രീജിത്ത് പണിക്കര് സമൂഹ മാധ്യമങ്ങളിലൂടെ പങ്ക് വെച്ചത്.
ഫേസ്ബുക്ക് കുറിപ്പിന്റെ പൂര്ണ രൂപം
ഇന്നത്തെ സായാഹ്ന തള്ളല്.
ഇന്ന് സുധാകരന് തട്ടിക്കൊണ്ടു പോയവരുടെ എണ്ണം 37.
നേരിട്ട് തട്ടിക്കൊണ്ടു പോയത് 13.
ഫൈനാന്സിയറുമായുള്ള സമ്പര്ക്കം മൂലം തട്ടിക്കൊണ്ടു പോയത് 7.
വിദേശത്തു നിന്നും തട്ടിക്കൊണ്ടു പോയത് 3.
ഉറവിടം അറിയാതെ തട്ടിക്കൊണ്ടു പോയത് 5.
നേരിട്ടുചെന്ന് കീഴടങ്ങിയവരുടെ എണ്ണം 8.
പ്രത്യേക ഏക്ഷന് കാണിച്ചവരുടെ എണ്ണം 1.
